【士㞗彈系列】《她被寄宿到鹽水男孩的家中》2K15中: K799

事實上，有邊個女仔可以比得上QQ喎，就算YY同佢一樣咁高端，喺身體上始終爭少少，至於契妹呢啲就真係得個玩字，食完都唔知為乜…有權力嘅女人…
正如喺性方面，細蚊係點都超越唔到卡車，同有無插入去根本無關係，反正只係淪為發洩同埋需要；或者，如果人生有機會可以畀五個女神綁起做性奴先係最幸福。
星期四係柴娃娃一齊夾band嘅日子，雖然我無乜嘢做，但已經慣咗同佢哋一齊相處，再一對多咁參考下功課…
返到去就見到個有啲無奈嘅爹爹，謦咗幾句就上床瞓覺；到咗第二朝佢一早已經為我同埋QQ準備好早餐，而我哋食完之後就乖乖返學，佢亦差唔多準備中午上船開工。
星期五，好眼瞓，今晚重要開工，實在係死人冧樓。
點知晏晝食完飯上咗一堂，QQ出去同Miss講咗幾句就孭埋書包放學，連我都唔知佢攪乜鬼。
我：「左女神，妳知唔知右女神佢去邊？」通常係有出面啲考試或者比賽先有呢個情況，但佢又無通知我。
V：「啊，你係佢普通朋友都唔知？佢三點鐘去學童保健吖嘛。」哦，原來係會咁早嘅，個衰妹又唔同我講。
雖然前面YY不動如山，但我硬係覺得佢聽到晒。
我：「哦，又會咁早嘅…唔知會驗乜呢？」




我望住佢，佢又望返住我，隻眼有少少空靈。
V：「鹹濕，變態，死淫蟲，茜旎佢講得無錯。」
我：「欸…我唔否認嘅，但主要係我出於八掛啫。」
V：「但係我答唔到你喎，因為我從來都無去過…」
我：「吓，原來可以從來都唔去㗎？」重離譜過我喎…
或者你可能會問，乜幽蘭唔係乖乖女嚟嘅咩，點解會上堂同我打牙鉸嘅？其實佢又唔係真係太乖，以上嘅想象只會出現喺例如雅如呢啲女仔身上，只要我一同佢哋講嘢就會叫我摺埋收皮彈開咪阻住佢聽書，以前同過呢啲女仔坐實在係…可能幽蘭本身叻得滯啦，而且有其他先生教佢，所以佢完全唔介意上堂嗰陣同我咬耳仔吱吱唚，QQ同後面嗰兩個早就見慣不怪，至於男班長會諗乜我完全唔想揣測。
V：「我屋企人嫌政府啲醫生渣吖嘛，而且免費嘢只係同你求祈睇下無乜用，所以我係有私人醫生跟進㗎。」
我：「咁嘅話分別係咪會好大？」
V：「都話我未去過學童保健所以唔知，有無抽血吖？」
我：「無呀，呢啲嘢可免則免啦。」




V：「你點可以咁諗㗎，你知唔知血液喺人體係負責運送氧氣同其他代謝物㗎，只要你嘅血液有少少偏差，對身體嘅機能係會做成極之大嘅影響，而血液亦都係反映一個人健康狀況最重要嘅數據來源嚟。」
我：「係，我知錯，不過我連自己乜嘢血型都唔知。」