【士㞗彈系列】《她被寄宿到鹽水男孩的家中》2K15中: K800

V：「如果你鍾意可以去驗下血嘅，由最基本嘅幾百蚊到驗齊人體所有化合物加毒素去到過萬都有，至於你想八掛嘅嘢，我醫生會檢查我下面嘅生長狀況啦，包括用超聲波檢測埋子宮同卵巢嘅情況，會抽取少少陰道分泌嚟做分析，至於今年重做埋子宮頸抹片檢查。」
去到呢個程度，咪等於潷一碗飯要數下有幾多粒米，嚟計算係咪絕對啱啱好嘅卡路里攝取？！
我：「但…妳唔係處女嚟㗎咩？」
V：「有乜問題，你有無睇廣告㗎？就算初戀情人就係我老公，又或者後生女都可以有機會患上子宮頸癌㗎。」
我：「我明白…但係嗰個乜鬼抹片檢查唔係要攝嘢入去嘅咩？」我即時幻想起AV入面啲擘髀凳、擴陰器、蛇鏡…
V：「哎，塊處女膜係有窿㗎，同埋而家啲工具係非常之先進嘅，插條管入去幾十秒就搞掂㗎喇，定係…你個衰人覺得我嗰度放過啲外物入去就已經唔係處女呀？」
我：「點會…但妳咁細個做咁多檢查有啲怪啫…」
V：「哼，處女呢家嘢，你覺得我係就會係㗎啦，如果你諗住我唔係就點都唔會係。」
我：「放心，我絕對相信妳而家係個百份百嘅處女。」
V：「個身體我都要用㗎，梗係驗清楚啲先比較好啦。」




我：「借問聲…妳會點運用自己個身體？」
V：「你係咪問嚟都多餘呀，你會點用我咪會點用囉。」
點同呢，雖然路線相同，但唔同交通工具影響係會差天共地㗎，試諗下我搭飛機而妳搭潛艇去日本。不過幽蘭呢個女仔，雖然同我謦過好多次呢啲男女嘅嘢，但就係唔會令我產生太大慾望，就算已經係零距離接觸佢身體。
完成一週嘅學業，又嚟到寫週記嘅時候，呀，唔係，應該係練波嘅練波，拉琴嘅拉琴，開會嘅開會，而卑微嘅我唯一嘅職能就係等所有同學走晒再鎖門，近排Miss心情大好我少咗好多搬功課嘅機會。
我：「呢位女同學，我哋已經放咗學十幾分鐘㗎喇，如果妳想做功課嘅話，不如稍移玉步去圖書館或者自修室吖。」雖責任渺小，但還需維持服務承諾。
F：「喂，阿哥，得我同你喺度使唔使咁樣講嘢呀？」
我：「咁…我瞓陣先，妳走得就叫醒我啦。」
F：「頂你吖，我唔係喺度做緊功課囉，我寫信呀。」然後佢就起身將張紙對摺，放咗入我格信箱入面。
我：「我個人都坐咗喺度啦，妳做乜唔直接交畀我喎？」
F：「點同呢，呢啲叫做儀式感，你唔明㗎喇。」




我：「咁唔明囉，我都無諗住要check信箱嘅。」
F：「喂呀！」呢啲時候我都唔知開心定傷心好，你話如果我絕對單身就話啫，而家咁樣我都唔知算係點。