【士㞗彈系列】《她被寄宿到鹽水男孩的家中》2K15中: K801

唯有順佢意行埋去收信…呢塊板整就整得靚呀，但基本上玩咗兩三日就無人再用，係攞嚟背元素嘅多。
『契哥又好，乜都好，鍾意！抱抱！』好彩嚟收信，否則俾QQ睇到就唔知點好，實質問邊個係契妹。
我：「欸…多謝妳囉。」
F：「講真㗎，嗰日嗰幾分鐘，其實我好開心。」自問我連唔鍾意我嘅YY都氹得掂，妳就只不過係小菜一碟嚟。
我：「我明白…我對妳好妳就梗係開心㗎啦，但假㗎，就好似啲仔畀錢去搵PTGF咁，條女撲埋嚟實開心㗎喎，但錢作怪啫，現實並唔係嗰回事嚟。」
F：「我知呀，如果你可以免費做我PTBF我又唔拘呀。」
我：「算…唔好討論呢個問題，咁而家收咗信開心啦。」
F：「咦，你女神個信箱入面有兩張紙喎。」
我：「哦，一啲都唔出奇吖，唔好攪人哋啲嘢啦。」
F：「你同佢咁熟都唔睇得咩，橫掂都係外人寫嘅咋嘛。」




我：「咁無論係邊個，我覺得都要尊重返佢啫。」其實我講大話，因為畀著以前嘅我一早逐格逐格開嚟睇，只不過而家嘅我忙到九彩加埋無乜興趣。
F：「我都不知幾尊敬女神，佢喺我心目中係最優秀嘅，如果我學到佢七成都願。」嘩，妳有無咁大貪呀？學到七成妳已經到達女神嘅邊緣，差唔多到YY喇喎。
其實佢咁講主要都係為開人哋啲信嚟睇辯護。
『女神好，我覺得妳喺我哋form係最靚嘅，因為佢哋幾個就係差緊一份氣質，就算幽蘭…』都唔知有乜謂。
『有次上M2唔小心坐到妳位，感覺戀愛了，如有打攪，敬請原諒。』咁就唔好寫埋呢啲垃圾啦。
F：「果然係非常受歡迎，實在值得令人尊敬。」
我：「差唔多啦，不過呢啲全部無米粥嚟，其實同整蠱信無乜分別。」
F：「其實我有期待過，你會寫返回信畀我。」
我：「欸…對唔住…令妳期待落空添，不過我習慣有嘢直接講㗎，同埋費事令妳誤會啦。」
F：「先唔會誤會囉，你呢啲衰人。」




我：「唔會誤會就最好啦，咁寫完信…我哋放得學未？」
F：「放學前…可唔可以同阿哥你抱抱？」
我：「唔係我話得唔得嘅問題囉，呢度學校嚟㗎，就算閂埋門…門上面都重有塊玻璃位。」
F：「你分明係驚是但一個女神突然趕返嚟咋嘛。」
我：「邊個都好啦，我無所謂呀，無謂毀妳清譽啦。」
F：「咁聽日唔使返學，不如我哋去玩下？」
我：「玩…可以有乜玩？」
F：「乜都好啦，你以前唔係周圍遊嚟遊去㗎咩，帶我行下都得㗎，反正我無嘢做。」