【士㞗彈系列】《她被寄宿到鹽水男孩的家中》2K15中: K828

其實阻乜鬼吖，我同QQ要返屋企，佢就繼續向尖沙咀方向搭車，較到啲時間啱啱好返去食嘢再開工，一齊時間得幾分鐘都無，希望佢夠錢同欣姐開房啦。
我：「Online咗成日，有啲眼瞓添…」
Q：「攰咪抖下囉，你一陣都重要返工。」又會咁順攤。
由於做完gym沖咗涼，所以我直接上床就算。
我：「咁我熄燈？妳重使唔使溫書？」
Q：「熄啦，我都眼瞓，一齊瞓啦。」佢自己熄埋。
而且…佢嘅瞓係上埋我張床度。
我：「咦，大小姐，妳做乜上埋嚟…」
Q：「我唔係你嘅大小姐呀，你返學左邊嗰個先係。」
我：「妳…真係打算喺呢度瞓？」




Q：「嗯，唔得閒益下你，你之後唔養我咁點算喎。」
我：「又唔會嘅…妳一日喺度住我都會幫手養妳。」
Q：「總之專心瞓啦，唔好硬J，抖夠就要落去開工㗎喇。」結果，我放隻手喺佢突釘嘅心口上面好舒服咁瞓咗個晏覺，當然只係掂到唔可以揸同摸，會死人的。
時光飛逝，話咁快就嚟到星期二；主因係進入咗mid-term週，呢班嘅風氣係全世界都咪書，所以小弟亦無乜攪作。之不過，星期二嘅天王星仍然唔放過我捉咗我去band房練習，話要昅住我溫書噃…至於今日係得返我同佢，你估其他女神真係唔使溫書同補習咩。而QQ雖然可以嚟陪我哋，但為免奇怪同尷尬佢都係決定留屋企溫書。
除咗態度差過QQ少少之外，女班長都係有問必答嘅，算啦，好過自己一條友班門弄斧先。佢今日睇嚟心情唔錯，可能因為鼓術有進步啦，但佢又好似唔使溫書咁。
一如以往，夠鐘我就買咗兩個飯盒返嚟，識咗佢咁耐基本上已經知佢食乜，其實就係同我食嘅差唔多；一盒豉椒排骨河，一盒咖喱牛腩飯就解決晒一切嘅問題，卡路里唔係佢最大嘅考慮，因為運動量十分足夠。
我：「妳…今日心情唔錯咁喎。」
U：「嘻嘻…呃唔到你添，偷偷地話你知啦，IT哥哥約咗我今個禮拜六食夜晚。」知唔知道對我嚟講其實好無謂，就算佢唔講都唔會覺得佢呃我，而家重要偷偷地增加我嘅壓力，驚死我會通報妳班姐妹咩。
我：「哦，原來發緊姣，明晒，唔使再講。」
U：「邊係發姣，咁見朋友…係會開心㗎嘛。」




我：「嘩，妳說唔說服到自己㗎，平時妳見到我又唔見妳好似而家咁開心？」
U：「吓，無當過你係朋友囉，你係…工人嚟㗎咋。」一般嚟講，普通人聽到句咁嘅嘢實好唔開心，但由於我成日黐住佢哋又熟悉晒啲脾性所以已無感覺。
如果可以做佢哋嘅邪骨工人我都好樂意㗎，雖然某程度上幽蘭都係咁用我，呢個應該真心當我朋友。
我：「總之妳開心就得啦，祝妳好運。」