【士㞗彈系列】《她被寄宿到鹽水男孩的家中》2K15中: K852

幾好，反正佢哋睇我唔順眼，都無謂留喺同一個區域。
根據化學分子弱力定律，啲相似嘅分子就會聚埋一齊，我當然懶得理，坐低先嘅大部份都係啲大滾友嚟，而班女神們似乎都唔多想見到佢哋所以選擇繼續行。
可能你會問我點解唔跟住佢哋？因為…出嚟玩重黐住佢哋實在係太礙眼喇，加埋我要完成晒派炭嘅任務先。
而由於兩班人開始mix埋一齊，啲關係狀況就開始更加混亂，好在文科班同我哋唔同目的地，如果唔係都唔知過唔過去同阿康韻婷打招呼好…
行多兩分鐘就去到另一個燒烤區，呢度有十幾個爐，但非常幸運地撞到另一班中學生嚟旅行，重要係全便服嘅，女仔又可以著裙…呢邊係佢哋嘅大本營，所以就得返兩個爐，我哋有啲人都選擇喺度駐紮。
健：「你條友吖，女神喺附近都重夠膽喺度昅女嘅？」
我：「無關係㗎喎，無聽過隔籬飯香嘅咩？睇下嗰圍女，著短裙之餘重要喺度撓腳，有一個踩埋隻腳上爐添。」
龜：「唔好咁啦，人哋先生望過嚟喇。」
我：「可能佢因為用晒啲爐唔好意思啫，一間學校可以容忍自己啲女學生著成咁，都唔會有精力理埋啲無謂嘢啦，嗱，不如等我帶你去交流下，識返啲三次元嘅女仔。」
龜：「唔使喇，多謝你嘅好意。」




豬：「行啦，失禮晒，留你喺度分分鐘有損校譽，唔好唔記得你個低B仔重著住PE衫㗎。」
我：「無嘢嘅，反轉著就一條好漢。」當然講笑啦。
你話一個安全套就可以反轉用屌第二條女啫。
女神們當然知道我喺度昅女，不過佢哋一早知我德性，所以我都不以為然，唔似得啲道貌岸然嘅學生咁虛偽。
又行多兩分鐘，見到幾個吉爐，啱啱好settle晒所有人；唔知係有心定無意吖，同我哋一齊嘅就有一眾女神，我哋班三姣閪加隔籬班個單丁，重有隔籬班七八條仔咁。
Sorry，我知道唔應該再叫露娜做姣閪，因為事實上佢無論精神面定物理面已經完全用姣閪嘅方式嚟對住我，而事實係永遠唔可以講出嚟嘅，我愛香閪。
其實呢度又幾靚嘅，坐喺個爐就已經可以睇到個水塘，有一轆轆嘅松樹，重有啲紅葉咁。
豬：「喂，透爐啦，喺度發怐愗咁。」
我：「點解又係我哋啊，透爐好好玩㗎，你試下啦。」
豬：「就係知你鍾意玩先留畀你，係你話負責炭㗎。」




我：「乜道理，咁你負責食物係咪就要食晒佢哋先，晨咁早嚟燒嘢食真係有啲怪雞。」