【士㞗彈系列】《她被寄宿到鹽水男孩的家中》2K15中: K911

我同細蚊食咗幾塊，有啲咁啱斷開兩截所以零舍方便。
蚊：「係嘞，我咁大個女第一次出糧，不如請你食飯？」
我：「唔使特登喎，以我哋關係重計呢啲咩…不如妳請個傻仔好過啦，話晒係佢帶挈妳有呢個job做。」
蚊：「先唔請佢呀，係帶我去咗酒店同埋攞咗盒垃圾食物畀我咋嘛，同埋最後係你打嚟問我做唔做嘅。」就連屋邨妹都嫌嗰啲係垃圾，唔明點解重要生存喺酒店自助餐。
我：「咁下次咁啱一齊食飯嗰陣妳先再埋單囉。」
蚊：「不如聽日吖，你聽晚得唔得閒呀？」
我：「聽日…好似真係得，係唔知使唔使煮畀QQ食…」
蚊：「咁我請埋佢咪得囉，都未多謝佢幫我升到班。」
我：「聽日再算啦，佢呢排個schedule好浮，到時話妳知，簡簡單單落大家樂食都得㗎喇。」係驚撞到同學。
蚊：「點得喎，起碼要食好少少嘅。」




咬咗幾塊餅送埋佢返屋企，到我返到屋企嗰陣竟然無人…
我：「嘩，妳再夜少少嘅話我有啲擔心妳走咗去做賊。」
Q：「點都夜唔過你上個禮拜啦，唔好唔記得我要遊車河至得。」我成日覺得易汪係為咗扮唔知先專登攪佢。
我：「係呢，咁妳…聽日放學有無乜活動？」
Q：「有，聽日要set好個場，因為後日開始初賽。」
我：「吓…原來係咁㗎，即係要同男班長鬥一次先？」
Q：「唔使，因為大組同埋小組係唔使初賽嘅，亦無咁多人玩嘢，所以…鍾意出醜嘅可以幾個一齊上去。」
我：「唔好預我…即係聽日妳哋唔使練？」
Q：「唔使，不過你都留低啦，可以實操下部mixer同埋幫手排凳，重可以親近下你個娘娘。」
我：「我無話想親近佢喎，想打扁佢個屁股就差唔多。」




Q：「理得你，聽日畀多個任務你，臨散場前幫我纏住個姣婆等佢無得同我一齊放學，唔想再嘥時間遊車河。」
我：「妳咁出賣我都得嘅！如果佢迫我同佢舐閪點算？」
Q：「原來你兩個已經發展到…呢個驚人地步，咁咪正中你下懷囉，好好地幫我好姐妹潮吹吧啦。」
我：「講笑啫，有乜可能…但無端端點纏住佢？」
Q：「呢啲嘢你最耍家㗎啦，咪訓練下點冧女囉。」
我：「已經日日對住妳，唔想再訓練埋啲咁嘅嘢囉。」
Q：「就係知你日日對住我都未去到爐火純青嘅境界先叫你去訓練啫，如果你有辦法氹到佢紅杏出牆，我會覺得你好叻仔㗎。」
我：「先唔制，我係唔會為咗一時之快而分分鐘斷送我嘅一生…總之我聽日令妳可以自己放學就係。」
Q：「乖嘞，同你娘娘發生嘅事唔使報告畀我聽，我無興趣知亦都唔會問你，唔好玩到佢嬲咗我就得。」
我：「佢有妳咁正先再考慮下啦…係喇，細蚊啱啱返咗人生第一次嘅工，話想請我聽晚食飯，如果妳可以嘅話不如一齊？佢話多謝妳教佢溫書喎。」




Q：「即係你聽晚唔煮？咁一齊食囉。」
就係咁，聽晚有兩條女同我一齊晚飯。