【士㞗彈系列】《她被寄宿到鹽水男孩的家中》2K15中: K913

鄧：「另外，有幾位同學，我想你哋放咗學之後嚟見一見我，嗱，大家唔好諗住就係佢哋包尾呀，世事就唔係咁嘅，你哋就返個學號每人加五分鐘咁啦…」
結果，有我，露娜，易同學，三位路人，最估唔到係竟然有女班長，呢啲叫掩耳盜鈴定魚目混珠？
健：「唔使咁難過，做兄弟嘅一定撐你。」
我：「欸…我無乜所謂，諗緊第二啲嘢啫。」
Y：「兄弟你捉錯用神喇，條友除咗女重有乜好諗㗎。」
健：「咁可唔可以拜託娘娘妳，派多少少兵糧畀佢？」
Y：「哈，我對佢…仁至義盡喇，你拜託返正確嘅人先有用，佢無你咁幸福傻更更就搞掂個姐姐。」
我：「哎吔，我諗緊考第尾嘅機率有幾高咋嘛！」
V：「我覺得無咁易嘅，或者我哋…可以一齊考第二呢。」
Q：「妳畀幾分佢，分分鐘妳重係第二，佢已經去到第五第六，可以話係無本生利。」




V：「如果我畀到佢同分，唔知會一齊考第幾呢？」
呢幾個人…除咗搵我嚟作樂之外重有乜貢獻？
到咗放學，我哋陸陸續續落到嚟教員室搵女醫生照肺，下一個到我，易同學同另一條仔面色唔多好睇，好在話咁快兩條女就先後嚟到陪我等街症。
我：「露娜妳無嘢吖嘛，今次失手？」
F：「乜呀，你知我平時考成點㗎咩？本來我就普普通通，入到呢班叫好彩㗎咋，所以都預咗，反而，點解女班長妳又會喺度嘅？」
U：「我都唔知，可能唔關成績事呢，不過我自己係預計咗今次會有退步。」
我：「Anyway，中四啫，前面重有好長嘅路要行。」
U：「再長啲，如果你下年又係中四，唔知妳啲女神們會點呢？」
F：「咁女神們本身包唔包括妳呢？」
U：「妳問佢點諗囉，我自己就一定唔會認㗎嘞。」




我：「咪講笑啦，學校邊有咁多留班quota，除非考第尾嘅啫。」以往嘅數據顯示留級生數目係三個起四個止。
U：「你留班…無嘢嘅，我重有健仔功課可以抄。」
係啦，抄佢啦，投懷送抱埋添啦，反正佢食女已多過我…
話咁快就到我睇醫生，班主任又係嗰副死人樣。
鄧：「爽，唔使咁驚喎，搵你過嚟係想關心下你啫。」
我：「多謝，我都好關心妳同眼鏡男發展成點。」
鄧：「你點可以咁樣嗌佢㗎，人哋話晒都係老師嚟，你就叫佢做李sir啦。」
我：「之但係，佢又唔係有份教我，叫返做李先生好似好啲…其實叫眼鏡男已經唔差啦，起碼唔係跟蹤男。」
鄧：「邊係，佢只係唔太識同異性相處，未至於跟蹤。」
我：「唓，佢而家係妳嘅男人嚟，妳梗係幫住佢㗎。」