【士㞗彈系列】《她被寄宿到鹽水男孩的家中》2K15中: K942

都係嗰啲組合啦，只要唔係異性自閉嘅就差唔多咁配對，不過自從上次旅行之後，Myth同K姐嘅交流係有明顯增加，亦懶得問露娜佢兩隻係咪有路，反正唔關我事。其實Myth係有啲無辜嘅，身為班長每日要同天王星單單打打，成班女神又睇得唔掂得，最近磅嘅思韻又一早對外承認名花有主封咗盤，咁唔通去搵雅如一齊背書獻醜咩。
畀著我無咗班女神都黐埋去，K姐似乎有啲底氣比較難攪掂，但如果食到露娜或者Cat都唔錯吖，只不過最諷剌嘅係我而家可以隨時開露娜餐但又唔食得，就好似臨完場落後緊三分無人mark你，明知衝入去上籃實食無黐牙你都要硬住頭皮轉身射粒三分波…
F：「咁我過去搵佢哋喇。」記住小心易同學就得。
健：「使唔使落場打下呀？」
我：「咪攪我，得返五分鐘唔夠，而且班長佢追過Queenie又親近過易汪都不得要領，唔想同佢有太多交流。」
既然我唔係喺度搵食又何必阻人搵食呢，古語有云食兩家茶禮會死得好慘㗎，咪放人家一條生路囉。不過我就覺得K姐佢好鬼淫，比起露娜有過之而無不及，有啲想睇佢騎住Myth搖呀搖，呢啲時尚感靚仔靚女扑嘢特別賞心悅目。
Q：「嗱，我今日放學要去補習，完咗先去band，易汪同Zilvia會去初賽度幫手，你去睇下有無貢獻啦。」
V：「我就同Uranus去band房排譜先，等你哋過嚟喇。」
自古以來，我最憎嘅就係放學留喺學校參加課外活動嘅…
Y：「我同佢哋講咗你係可以去後台嘅，不過唱solo其實都無嘢可以搞到，你唔好搗亂就得。」




個唱初賽由中一開始唱先，原來都幾多人幫襯，單單係中一已經有十幾個人玩，當每人唱兩分鐘都成半個鐘認真浪費時間，點諗佢哋都係玩猜王帝輸咗被迫上台。
臨時裁判有求祈搵嘅兩個先生，學生會會長；竟然重有副head P雅如，我諗因為係呢啲人點都唔會參賽，朋友又唔多所以可以保持絕對中立。台上MC其中一個就係易汪，不過初賽無乜尷尬台詞，只係宣告下一個參賽者係乜水同唱乜歌，同埋幫佢哋set下咪咁。
瘟：「爽大佬，你又會喺度嘅？」
我：「咪因為啲女神囉，你點會唔明㗎…」無示威嘅意思…
瘟：「嗯？但我記憶中茜旎同幽蘭無報solo㗎喎。」
我：「邊個都好啦…台上面咪有個。」我指一指易汪。
瘟：「果然貴人事忙，係呢，其實而家報都重趕得切㗎，不如就把握機會喺娘娘面前表現下啦。」
我：「參加初賽嘅話可以幫個社攞到幾多分？」
瘟：「底分一分，入到決賽就兩分。」原來又係KPI…
我：「我唔要面啫，但唔代表想主動出醜，幫你玩晒陸運會三項就係，呢啲唔好攪我。」