【士㞗彈系列】《她被寄宿到鹽水男孩的家中》2K15中: K944

呢個世界總係有啲人，平平實實就可以攞到好成績，喺啲唔起眼嘅地方參加好多活動，出嚟嘅效果重要幾好，而且佢個樣一啲都唔差，瘦返少少嘅話絕對可以溝死女。
諗深一層，我呢個人唯一最大嘅優勢就係同女神一齊住…
佢唱完就消失咗，原來今日嘅賽程係唱到中四only，時間嚟到五點幾，打點完之後易汪就捉埋Zilvia同我走人。
Y：「喂，幫手截的士啦，奴才。」Zilvia嘰一聲。
我：「呢度又唔係的士站…搭鐵過去差唔多啫。」
Y：「而家又唔使你畀錢，咪同我咁多聲氣。」
Z：「係囉，陣間有娘娘惜返，乜都抵晒啦。」
Y：「唔一定㗎喎，而且我惜佢唔代表任何嘢，it’s nothing。」呢個死八婆，肯定係屌完佢可以打喊露嗰啲…
唔知Zilvia心入面點諗嘅呢，雖然知佢係好驚男人，但睇住啲姐妹日日調教我係咪都會開心？呢兩條女，一個姣閪一個仙女大纜都扯唔埋，可以做到姐妹我唯一諗到嘅解釋就係QQ同天王星嘅存在，佢哋嘅關係實在係太微妙。
喺校門頂住先生同同學嘅目光，我用咗五分鐘終於截到一架的士，識做嘅我乖乖坐喺前面，有Zilvia喺度自然會令我啲百厭諗法完全消失…




去到差唔多六點，而QQ都啱啱出現，一班女盡可能把握一分一秒練習，然而…點解係練第二首歌嘅？即係本身佢哋樂器組演奏嗰首，呢個我都明，但點解天王星會跟住一齊打鼓？
我：「佢哋…究竟發生乜事？」我問無嘢做嘅幽蘭。
V：「哦，我哋同意團長認為呢首音樂加返鼓聲會好啲，所以我咪幫手寫咗個譜畀班長囉。」
我：「原來鼓譜妳又識寫。」
V：「唔識㗎，聽下啲現成嘅照抄，憑印象編出嚟囉。」
我：「咁妳又點將個譜打落個軟件入面？」
V：「個軟件入面有個readme，睇完就會識用。」
我：「即係，天王星又諗住上兩次台？」
V：「唔會，諗住喺後台set個位畀佢，反正啲觀眾唔會諗鼓聲邊度嚟，當係等佢熱身先都好，亦唔想影響佢決鬥嘅氣氛。」
我：「妳哋辦事，真係夠晒令人放心。」




V：「你先係呀，而家呢度有四條track㗎喇，到時亦係畀你熱身先，呢part衰咗唔緊要，最多兩個娘娘搵你算賬，但係之後戲肉食粥食飯就睇你。」
我：「既然妳無份玩，不如妳負責呢度調音啦。」
V：「點得呢，講到明係交晒畀你就係由你負責，我諗你OK嘅…如果炒咗喺你手上我都唔知你會有乜結局。」佢咁樣講得已經表明我係死硬，係結局而唔係結果。
四位靚女開repeat模式不停喜愛蕭邦，聽到我開始感覺唔到呢首歌好唔好聽，唯一知道嘅就係佢哋表現越嚟越好，自問無呢啲驚人嘅魄力，匿返去錄音室玩下扭扭制算。
我諗，做到佢哋幾個嘅奴才已經係我最大嘅福氣。