【士㞗彈系列】《她被寄宿到鹽水男孩的家中》2K15中: K952

Q：「妳今日使唔使我去幫手？」
Y：「唔使啦，咪又係咁，妳哋去幽蘭屋企度先啦，嗰邊重要的，橫掂學生會大把人喺度。」
V：「嗯，咁夜啲等妳嚟join喇，我哋去上車。」
呢啲日子，估計橋牌室都唔會有任何人喺度。
我：「咁…妳使唔使我嚟幫手？」
Y：「唔使啦，你知個mixer點用就得。」
我：「對唔住…其實…妳係咪嬲我？」
Y：「吓，我做乜要嬲你呀？先無咁無聊。」
我：「因為我䚎人裙底囉，而且妳又踢爆我。」
Y：「你就算吧啦，成日幫QQ洗底褲重唔夠，班長都好裝嘅？」




我：「其實就…因為位置同角度實在太啱，咪順便囉…我認我係超級鹹濕，但對妳哋任何一個都係無惡意㗎。」
Y：「理得你有無惡意，就算係都QQ慘遭毒手先，不過呢，喺街度我哋都要維持公義嘅，點可以由得我隻兵目無王法隨便昅人裙底，我有責任保護佢哋幾個，除咗你隻QQ之外，而且你咁明顯相信QQ都會發現，係得天王星呢啲天真妹先會咁後知後覺，明知你條友踎咗喺前面重坐低打鼓…不過，係咪覺得班長正啲先，話晒處女嚟。」
我：「邊係喎，我無諗呢啲，只係個腦好似裝咗自動程式咁，有靚女就會睇…但我個人唔係咁㗎，同QQ一齊生活有種特別嘅感覺，唔關佢正唔正或者處唔處事。」
Y：「都懶得理你，想溝邊個咪邊個，唔好喺我哋幾個前面做埋啲樣衰嘢唔該。」
我：「知道，知錯…其實我根本無資格對妳哋有意思。」
Y：「啱呀，你呢，成世做我隻狗就差唔多。」
我：「妳需要到我咩？其實諗落又唔算太差嘅…」
Y：「犯賤得你吖，但問題係，我可以綁住你喺我間房度咩？你重要情迷QQ，昅班長底褲，阻到咩？」
我：「如果QQ有一日搬走嘅話，妳過嚟囉。」
Y：「先唔要同你一齊住呀，你都黐線嘅，就算你肯犯賤唔等於我要應酬你，我係時候去禮堂，再見。」




女人係一種生物，特性係好難知道佢哋諗緊乜。
算，既然無嘢做，返屋企大覺瞓，瞓醒就同個傻仔跑步。
F：「Hi，契哥，乜咁啱呀？」有個似乎可愛少女彈埋嚟…
我：「直覺話我知，妳嘅出現絕對唔會係一場偶遇。」
F：「阿哥你唔係女人啲直覺都咁準嘅？無錯，我係精心策劃坐喺有蓋操場度嚟捕捉你嘅。」
我：「直接講得喇，我有啲乜可以幫到妳？」
F：「妖，阿哥你真係好無情調，乞人憎！」