【士㞗彈系列】《她被寄宿到鹽水男孩的家中》2K15中: K998

Q：「放你個頭，唔使幫我攞嘢呀？」又係喎，諗住佢哋贏咗就乜都唔使理，無理由要QQ自己抬部琴返去…
Y：「妳哋去執嘢先啦！我要同佢哋影一影相…」未換衫嘅易汪自然俾各路英雄圍住，唔知有心定無意呢？
人哋就放學，後台上面重有大把手尾…首先要砌返好啲咪同耳返，將個火牛啲線摺返靚先放到入個箱。
Q：「喂，你幫你娘娘攞埋嗰兩部小提琴先。」
我：「哈，妳當我有幾多對手喎，我唔係觸手系。」兩個大箱，琴，電腦，重有兩部小提琴。
U：「你身邊咁多女觸手系都搞唔掂呀，等我幫你攞部琴啦。」真係識講笑，單單制服妳已經唔知無咗幾多隻手…
Z：「我同幽蘭重可以一人拎多一部小提琴。」
同一時間，男班長亦都帶埋佢幾個兄弟上嚟執拾細軟。
G：「嘩，你攞住咁多嘢我都唔好意思叫你幫我搬鼓。」
我：「係咁意幫你放上架車仔度，仁至義盡…」又的確一整套鼓先係麻煩樂器之最，成十嚿大件嘢。




而男班長似乎已經體驗到我當時慘敗於天王星手上嘅心情；不過唔好意思，我之後偷偷地反敗為勝，重寵幸咗女班長個屁股一輪，爽度實在筆墨難以形容。
我：「呢啲嘢要還返畀人㗎喎，搬去邊度好？」
V：「搬落樓下先啦，陣間我叫管家幫我車過去。」太好喇，幾驚我又要搦住兩大箱嘢自蒲去新蒲崗。
落到樓下，佢哋重要入女更執返啲衫，好自然就搬晒啲嘢入去自修室先，因為呢啲日子入面空空如也。
我：「其實想問下，妳哋點解可以咁快除到套衫出嚟？」
V：「哦，因為根本唔係一套衫嚟，兩層係車埋㗎，側邊用魔術貼黐埋，你可以當佢有啲似旗袍，不過都唔啱，其實就好似一塊毛巾包住個身咁。」
我：「即係…類似嗰啲cosplay側邊由頸露到去腳，靠兩條繩綁住先唔飛走嘅款式咁。」
V：「唔知你講緊乜，但相信結構同原理係差唔多。」
我：「有樣嘢想問…連埋入面嗰套整咗幾多錢？」
V：「唔答你呀，錢係買唔到朋友同埋回憶㗎，正如…我都唔會用錢嚟買你對我嘅服務啦。」




我：「喂，咪咁大聲呀…嗰啲算乜嘢服務喎，以妳嘅姿質，應該係調返轉我用晒全副身家先有機會掂到，如果俾QQ知道，佢實話妳蝕底晒畀我。」
V：「點得呢，如果你用咗錢就會有邪念㗎喇。」
我：「你幾時覺得我而家對住妳無邪念喎…忽忽都咁正…」
V：「咁你老實答我，對住QQ定對住我嗰陣多啲邪念？」
我：「梗係對住佢啦，確實又多好多嘅。」