【士㞗彈系列】《她被寄宿到鹽水男孩的家中》2K15中: K999

V：「咁咪係囉，所以我覺得你對我做嘅…只係關懷同呵護嘅服務，而且重好專業，嘻。」俾佢咁樣一講就將死咗我軍，佢係咪聰明到知道咁樣講我以後就唔敢亂嚟。
雖然，我最想亂嚟嘅係YY，因為無後果…娘娘…
V：「唉，雖然真相可能係茜旎對波大過我又正過我，一諗起你對佢又揸又摷，色心起都好正常。」
我：「大小姐…我同佢係一齊住咋，平時喺屋企先無咁淫亂，老實講我只係摸過佢對波，無正式玩過…」
V：「Yeah，我繼續贏佢。」呢個有錢女真係夠晒奇怪。
而呢個時候另外幾位都落到嚟自修室，擺晒啲架生喺枱面等幽蘭call管家，同埋易汪應酬完換衫。
U：「不如…我哋今晚或者聽晚搞個慶功宴，好唔好？」
Q：「呢個唔係必然嘅咩？打鐵趁熱就今晚？」
V：「今晚會好啲…聽晚我成功出到嚟嘅機率比較細。」
Z：「可以呀，我無問題。」佢對住女仔真係幾時都咁溫柔同斯文，明明同暴力女，兩個淫女，奇怪有錢女好大分別，但都會盡可能遷就配合同佢哋一齊玩。




U：「咁大家想食乜？我請！話晒妳哋個個出錢出力幫我。」我諗要食魚翅鮑魚先平到幽蘭條數…
V：「瀨尿蝦！」佢果然成個腦都係諗住好朋友QQ。
呢個時候自修室門口有人敲門，正正係Mythology…
慕：「怕唔怕阻到妳哋？唔介意嘛…」
U：「無所謂，如果有嘢想講就入嚟啦。」然之後Myth就耍手叫佢嗰幾個兄弟行開，正常嘅，男子漢一人做事一人當，其實我哋個個都係外人嚟。
慕：「好多謝幾位嘅賜教，妳哋今日嘅表演實在非常精彩，小弟輸得心服口服。」佢一邊講一邊放低個結他。
我：「欸…班長大佬，我使唔使避下席先？」
慕：「唔使喇，我知道你有幫佢哋手，係我太輕敵…」
V：「唔使客氣喎，我哋一早講咗會傾盡全力支持佢。」
慕：「當然，其實…我哋都有好用心練，只可以話自己技不如人，就算單論音樂都係比唔上妳哋。」




U：「要決鬥就有贏有輸㗎啦，班長你唔使咁婆媽。」
慕：「Uranus，我之前對妳實在太無禮，而家要為我嘅失言道歉，對唔住。」男班長向女班長九十度彎腰。
U：「喂，傻嘅咩…我輸咗先要同你道歉啫，你…做返多啲班長嘅職責，準時嚟開會就得㗎喇，同埋…夾band其實都幾好玩吖。」都唔知係想串佢定俾佢落台。
慕：「我早就講過㗎啦，妳應該係玩乜都咁叻嘅…但我係有啲好奇，妳點樣可以短短兩個月就打到呢個水準？」
U：「邊係叻吖，只不過…係有一班好朋友啫。」