【士㞗彈系列】《她被寄宿到鹽水男孩的家中》2K15中: 2K7

U：「咁當初為咗求佢就預咗佢會做埋啲衰嘢，結果佢竟然係搵Zilvia，如果我而家縮沙咪好無雷。」
Z：「其實…佢都無對我做到啲乜。」
U：「可能見妳乖得滯先良心發現懸崖勒馬，總之我唔想欠呢個人，佢只係要求呢樣嘢我可以畀佢。」扮啦你，如果唔係上次俾人強吻…都唔知係咪啜過返尋味。
Y：「第一次嚟喎，妳第時唔好後悔先好，如果妳而家褪軚我重可以睇下幫唔幫到妳。」
U：「唔使啦，惜一陣又唔會死，妳係咁惜佢都係咁，只係代表咗一個動作而唔係有乜感情喺入面。」
Y：「既然唔使死，妳而家都可以惜下佢㗎。」
U：「黐線！我為乜要咁做。」
Y：「當練習下囉，如果妳真係可以覺得惜惜無乜所謂。」
U：「唔好咁啦，我驚妳教壞佢…」
Z：「唔會，你哋可以慢慢玩，唔好要我參加就得。」




U：「咪係，做乜要我同佢玩，佢都唔會想惜我。」
我：「有時…唔係話想唔想嘅，只係一種善意嘅表示。」
Y：「係囉，唔通呢條友會睇得上我咩，如果妳真係可以口口聲聲話無所謂，應該可以大方咁惜落去。」
我：「我可以隨時協助妳，放心，唔會諗奇怪嘢。」明明已經激嘴過，但佢而家就顯得十分猶豫。
V：「係囉，真係無嘢㗎。」佢快速咁啄咗我一下。
Y：「妳…估唔到喎…」另外兩個都眼光光望住佢。
V：「茜旎都咁惜啦，又唔見有乜嘢…最緊要佢而家唔喺度，如果唔係驚佢唔開心。」
Y：「唔會啦，妳惜佢條仔就話唔開心啫，唔好唔記得呢條友會通街攬女惜，咁都唔開心嘅話一早激死咗。」
V：「嗯…所以如果妳連佢都惜唔到，一陣點同團長打茄輪？」我有啲懷疑大小姐係咪期待咗好耐。
U：「點同喎，佢嗰啲夾硬嚟…我唔會有感覺。」




Y：「吓，唔係呀？即係你會對呢條友有感覺？！該煨咯。」呢個易汪分明係唯恐天下不亂。
V：「死咯…妳遲早會同茜旎產生友情危機。」呢個都係…
U：「我唔係呢個意思，拜託唔好增加誤會好唔好…」
Y：「但妳而家個樣好可疑，好似惜佢就會有嘢咁。」
Z：「其實…嗰次見佢同妳比拼，都覺得你兩個有啲襯。」原來無外人喺度嗰陣佢真係會講呢啲嘢。
U：「點會！但係做乜要無端端惜佢，我又無著數。」
Y：「妳咁講即係話我哋惜咗佢好蠢嘅啫…不過話晒佢都叫出咗少少力，又肯陪妳，唔係白蝕底畀佢嘅。」