【士㞗彈系列】《她被寄宿到鹽水男孩的家中》2K15中: 2K8

V：「咪係囉，我覺得茜旎都係為咗玩，唔通真心鍾意佢咩？」呢個大小姐…真係會無心插柳空折枝，傷心死…
U：「得我一個嘅話實OK，妳哋而家個個望住我…」
V：「嘩，好危險㗎，如果得佢一個分分鐘溶咗妳都唔定。」
U：「咁又唔會…妳哋都好清楚佢無呢個能力。」
我：「不如咁嘞，等我幫下妳，企喺度唔好郁呀下…」自從識咗佢哋幾個，我就好似去咗另一個境界，唔係話我好無恥要去抽佢哋水，而係惜惜摸屁股變到好似講早晨咁…
我望到佢實一實，塊面慢慢咁哄埋去。
U：「嘩！」佢向後縮開咗，用條腰嗰種。
低B嘅…見到佢呢個反應無人會相信佢曾經同我濕吻過。
Y：「妳唔肯咪唔肯囉，使唔使成塊面紅晒呀？」
U：「如果佢惜完我…之後鍾意咗我點算？」




Y：「不如妳問下呢條友有無啲咁多鍾意我先？」
V：「妳太多幻想喇，邊有咁易取代到茜旎嘅地位喎。」我覺得情況係要調返轉嚟諗，惜得多佢會鍾意咗我。
Y：「唔玩住喇，佢女神次次都係最遲嗰個，我哋上去坐住等啦，間房已經留咗畀我哋。」
我哋上咗棟舊式商廈商場，間餐廳門口無乜多餘嘅裝飾同推廣，門口係一道打橫推嘅木門，入到去啲燈光有少少昏黃，唔算多客人，感覺上就同日劇入面啲傳統拉麪店差唔多；身為屋邨仔嘅我當然無幫襯過呢啲鋪頭，但原理上我覺得佢同啲舊屋邨隱世快餐店或者橫街車仔麪一樣。
易汪報上名號之後個老闆娘就帶咗我哋去一間包廂，有一對向左右橫推嘅紙門，出面有兩級樓梯，間房係升高咗，而幾個女仔好自然就識除鞋行入去，我就跟住佢哋照做。
Y：「我哋等齊人再點菜啦，唔該。」老闆娘幫我哋閂門出返去，而枱上面早就擺好咗七套餐具。
無乜特別啫，我每次收工前都會擺好晒聽朝啲餐具㗎啦…
V：「啊，原來香港都有呢啲地方食飯。」
Y：「係囉，我都估唔到有，香港人一向嫌麻煩。」
V：「嗯，係呀，我之前喺日本食飯日日要正坐，食到驚咁滯，重有日日嘅焼魚…」




U：「呢度唔使正坐，有坑嘅。」天王星一屁股就坐咗喺個坐墊上面，攝咗隻腳落去。
所以間房咪要有地台囉，聽唔明嘅就算啦，可以當做一個對望卡位，每邊可以坐到三至四個人，而中間張木枱個距離有啲闊，側邊塊牆有字畫，可惜個半高玻璃窗同假天花同呢度個設計有啲格格不入。