【士㞗彈系列】《她被寄宿到鹽水男孩的家中》2K15中: 2K9

V：「太好喇，我會諗起鰻魚飯。」
結果佢哋四個坐晒喺同一邊，次序就算啦。
我：「妳哋真係為我著想，知道我會為揀位而煩惱。」
Y：「妳唔係諗住重有得揀女呀，好好服侍你隻Q啦。」
我：「根據天時地利，我應該要左右逢源先符合返呢度嘅設計原則。」另外一種就係男女各一排嘅聯誼會擺法。
Y：「今日你唔係主角啵，等你有能力可以幫到我哋先啦。」一句講到尾就係我太廢。
我：「是但妳哋，唔使迫來迫去重好。」點知我坐低咗之後，佢哋四個一齊望住我，原來壓迫感好大。
佢哋無講嘢，我又唔敢講嘢，好似一次過同四條女相睇…
我：「唔好咁望住我啦，幫妳哋斟水嘞。」枱上面放咗一個透明磨砂水壼，入面有兩成位係冰浮下浮下咁，呢間鋪都幾得意連冬天都提供冰水，不過就啱晒我。
一杯，兩杯…點解下面有啲奇怪嘅觸感嘅？我再用心去感受下，原來係有隻腳喺度撩緊我嘅小腿，而我對面有易汪同幽蘭，理論上我唔可以烏低身䚎，所以就要用新人類感知嚟判斷下係左腳定右腳嚟…算啦，邊個都好。




除咗Zilvia之外，另外三個我都有辦法親近，腳仔算乜。
Q：「各位，我到咗喇…妳哋…點解坐成咁嘅，係見工定相睇？」呢個麻煩QQ係要專登遲到，都唔知攪乜嚟。
Y：「係見家長，坐啦。」QQ閂門後就坐喺我側邊。
U：「其實你兩個係咪有路？」做乜突然咁入戲…
Q：「如果普通朋友都係路嚟咁咪有路囉。」
Y：「請妳先定義下乜嘢為之普通朋友。」
Q：「普通朋友咪…人生初見常美好，無壓力，無妄想，無惡意，無利益，可以隨心，隨性，就算做咗啲乜到咗聽日就可以乜事都無發生過。」QQ隨時可以考中文嘅狀態。
佢講完擰咗個頭埋嚟，又用手扶正我塊面嘴咗我一啖。
Y：「妳認為妳條仔係咪咁諗？如果佢睇到嘅話。」
Q：「我又控制唔到佢思想嘅，如果佢係要覺得我背叛佢嘅話，飛咗我囉，唔通佢有諗過要養我成世咩。」




Y：「呀下，咁妳係咪諗住要換畫喇？」
Q：「換妳個頭，妳派兵糧咪重多過我…不過，呢個鹹濕仔係幾好玩嘅，曳得嚟又要聽話，手多多但又唔敢激嬲人，抵佢搵到個時不時喺度發姣嘅娘娘。」
V：「請問…妳哋係咪要內鬨喇？」
Y：「鬼得閒同佢內鬨，明明鍾意玩仔但又唔認。」
Q：「我呢啲叫同仔玩，妳嗰啲先叫玩仔。」
我：「兩位女神…唔好咁啦，雖然我係對妳哋充滿幻想，但亦係真心當妳哋朋友㗎，唔係用玩玩下嚟形容。」
Q：「收皮啦你，我哋只係為咗一陣要玩仔嚟熱身，咪喺度扮叻！」佢用手指一嘢彈落我個鼻度。