【士㞗彈系列】《她被寄宿到鹽水男孩的家中》2K15中: 2K10

我：「究竟係妳哋喺度玩仔吖，定係俾仔玩呢？」
U：「不如認真少少好唔好？團長佢陣間會點㗎…」
Y：「又係妳話點都要回報返佢，唔係而家先嚟驚呀？」
U：「我嘅意思係肯同佢惜惜，但唔知佢會唔會做其他…」
Q：「真係無情趣，咁樣係做唔到一個合格嘅女人，totally fail。」呢句嘢由QQ口中講出嚟實在有說服力。
都唔知佢哋平時重會講啲乜深入嘅話題，而我似乎已經深陷泥沼喺佢哋個圈入面，就算拔足逃跑都插翼難飛。
U：「大佬，我又唔係學妳哋咁鍾意玩仔，識呢啲嘢嚟做乜喎。」天王星講得出口就應該係事實嚟，先唔理YY上年點樣玩男班長，假如唔係我嘅話瘟神可能已經俾QQ玩到死去活來，一隻高配版生果錶喺我心目中重係好貴。
Q：「同男仔玩係一種能力嚟嘅啫，唔一定代表我好鍾意玩仔嘅，而就算唔鍾意，瞭解多啲異性唔見得係一件壞事，亦可以保護自己，有無聽過進攻就係最好嘅防守？」
V：「其實呢，呢樣嘢究竟係一種能力嚟吖，定係不良嗜好，壞習慣，又或者沉溺享樂？」幽蘭當然唔係傻妹，但估唔到佢都識反擊好朋友。
Q：「哎吔，妳哋對我實在係太大誤會喇，我真係唔係話咁鍾意玩仔囉，如果唔係我就唔會剩係得一個男朋友囉，而且妳哋睇下，我當阿爽都係真心朋友嚟，唔信嘅話妳哋可以問佢，我先無收兵或者當自己係女神囉。」




我：「我絕對同意妳嘅講法嘅…」雖然以朋友呢點關係嚟講，我同佢又實在係太超越。
Q：「欸，好朋友，你呢句好似話中有話咁喎。」
V：「吖，驚驚呀，我哋都係繼續睇返菜單。」佢同Zilvia講，其實我點會唔知呢個妹喺度扮嘢，佢一樣想玩仔，一樣想拍拖，重要解決性需要，只不過俾屋企綁得好地地。
呢度有三本menu，分別係中英日，佢就揀咗本日文嘅嚟睇，而我就乖乖地坐喺度等食就好。
「咔嚓。」團長用雙手推開兩邊嘅紙門，又係著住一件黑色嘅不羈恤，大家千祈唔好諗起發哥，因為無論佢嘅衣著身型同埋神態都係絕對唔似，反而成個衝入良家收數嘅黑社會壞蛋咁，準備收唔到數就搶走民女。
我哋個個望住佢唔知俾乜反應好，而佢亦唯有閂門先。
A：「喂，請問說好了的夜總會服務呢？」
Y：「係…係，嚟喇…」一聲令下最識做嗰兩個企起身。
Q：「歡迎光臨，多謝團長賞面出席我哋嘅宴會！」
Y：「團長大人，需要小女子乜嘢服務請儘管出聲。」




呢兩個小妹妹十足十坐枱女上身咁，一左一右行埋去捉住團長隻手，專業而有禮貌咁將自己個身體壓埋去…真係睇見就把幾火，但諗深一層對佢兩隻嘢根本就唔係嘢嚟，而作為受益人嘅我亦無資格講啲乜。