【士㞗彈系列】《她被寄宿到鹽水男孩的家中》2K15中: 2K11

A：「幫我攞住先…去去去，唔要呢兩個，換另外兩個過嚟，係邊個話要補償我㗎？」佢將手臂夾住嘅黑色布袋交咗畀易汪，然後一副闊少咁嘅樣嗌換人。
雖然我無可能去過夜總會，但從網上面嘅有益網站嘅教學視頻提供嘅資料都可以知道，夜總會入面有好多女，好似一條條魚咁游入間房，身上面掛住個號碼牌，而客人就任睇任摸唔嬲咁揀海鮮，直至到啱心水就落鑊。
客人叫到，啲女再唔識做都係會郁嘅。
V：「團長，小女子係無辜嘅。」呢個幽蘭，睇佢個無乜表情嘅樣就知佢唔係無辜，都唔明佢喺度諗緊乜，如果唔係知道佢內心其實受唔起嘅話，都真係想對呢個有錢女做啲唔好嘅事情，等如想打天王星屁股一樣。
A：「無辜？！要怪就怪自己識埋一班損友啦。」
U：「團長…大恩人，萬分…感謝，小女子喺度。」有啲嘢點睇都係格格不入，所以QQ先會話佢唔合格。
當然亦都係因為佢哋已經當晒我係自己人先敢咁樣講嘢。
A：「呀啊，口講無憑，唔該多做事少說話。」
U：「係嘅…」天王星捉住佢隻手，哄埋去惜咗塊面一下。
呢度得我知道天王星早就熱過身，所以先做得出呢個舉動，當然佢內心其實亦唔係話太抗拒呢啲事情；就學似QQ講嘅外強中乾，乜嘢…色麗內淫？




咁麻煩做乜吖，一句金玉其外敗絮其中咪得囉，明明就係姣婆守唔到寡，紅杏出完一牆又一牆。
V：「嘩！」幽蘭嘅表情真係好鬼假。
雖然知道眼前嘅係假，但又唔知乜嘢先係真…
A：「有錢女做乜大驚小怪？」
V：「無呀。」佢隨即踮高少少惜落佢另一邊面。
我諗…團長咁靚仔可能真係吸引到佢哋主動惜佢，而幽蘭本身就有少少貪玩，加埋羨慕QQ。
A：「欸…但係點解呢度有個不速之客㗎，到底係保鑣定係侍應嚟？」佢用不懷好意嘅眼神望過嚟。
侍應呀！要菊花定壽眉呀！我好想咁樣大聲同佢講。
U：「又係你嗰陣話要搵多個人嚟幫手…不過你唔使理佢㗎，埋嚟坐吖。」天王星拉住佢隻手，個樣有啲女仔。
我：「團長，小弟係專程嚟睇你酒池肉林，左右開弓。」佢坐咗喺對面中間嘅位置，Zilvia即刻彈開咗過嚟我呢邊，而班長同幽蘭就分別坐喺佢兩邊，佢亦一啲都唔客氣咁張開雙臂搭落兩條女嘅膊頭上面。




A：「你鍾意囉，唔好葡萄到喊就得。」