【士㞗彈系列】《她被寄宿到鹽水男孩的家中》2K15中: 2K12

我：「先唔會，我份人不知幾收斂。」對比之下係事實嚟，有幾多男仔可以好似佢咁一啲都唔知醜，對幾個識咗唔係好耐嘅女神級妹妹毛手毛腳，重要唔係獨處。
諗返起男班長其實都幾可憐，高團長一截，樣又唔係話差，家底同學業可以同班女比拼，但得到嘅待遇係…
A：「為咗可以令妳哋順暢咁向我提供皇帝級別嘅服務，首先要加返啲設定，方便妳哋去配合…」究竟點先可以學到佢咁？自問已經過份到全校男同學想殺咗我，但相對於團長嘅放肆我只算得上係杯水車薪。
U：「聖上英明，請吩咐啦。」呢個女班長…
A：「乖乖女負責做飯官點菜，妳應該知道佢哋鍾意食乜㗎啦？」
Z：「係…可以。」的確又無乜聽過皇帝會去廚部食女。
A：「然後…媱媱，妳就係我嘅青梅竹馬兼夾EX。」論創造力嚟講佢實在出類拔萃，聽到我想噴飯咁滯。
Y：「喂！你呢啲乜嘢爛設定嚟㗎，點解我要做EX？」
A：「因為妳唔係現任嚟囉，無得申訴呀，跟住到妳，難得妳咁配合著到成個坐枱咁，就封妳做正西宮啦！」以事論事，QQ著到咁確實同啲女拳手無乜分別。
Q：「點解我要做西宮？咁有無東宮㗎？」




A：「妳幾可見到古代劇集啲東宮出場呀，封妳做西宮其實係對妳嘅無上讚美嚟，試問有邊個夠妳姣？」
V：「嘻嘻，聖上明察，我都覺得茜旎佢好正。」
A：「至於妳…著旗袍咁串嘴吖嗱，即係唔係漢人嚟啦，咁妳就做匈奴人嘅公主，為咗蒂結和平條約而被派嚟漢室做肉參。」漏咗講，幽蘭係著住件深綠色中袖旗袍，衫上面有暗紅色嘅花花刺繡，及膝裙腳下面係一對裸足。
聽聞日本人為咗出街食飯成日要除鞋所以一定會著襪，所以幽蘭此舉其實有違禮法，不過係佢隻腳仔就無所謂啦。
Z：「你有無乜想食？」呢個喺平行宇宙好專心睇餐單。
我：「無乜特別…不如就呢個炭焼…地鶏…盛合。」見佢平平地三嚿幾水有一盤，加埋我起碼知道係乜嚟，即係日式超市三十蚊一包嗰啲焼麼麼嘅高級版。
V：「唔得！我唔要做匈奴。」
A：「妳唔好以為有錢就大晒呀，信唔信出兵打妳西域。」我相信…以前嘅君王都係咁鍾意信口開河，所以先峰火連天戰亂不斷。
V：「匈奴啲女人唔靚㗎！我要做鮮卑。」…。
A：「咁麻煩㗎妳，胸奴女人大波喎。」…。




V：「咁咪唔啱我囉，我又唔係特別大波。」真誠實…