【士㞗彈系列】《她被寄宿到鹽水男孩的家中》2K15中: 2K28

之後八婆易汪入埋嚟玩識咗佢，佢嗰班嘅天王星同佢身高相若所以一齊坐又一齊排隊，見佢怕怕醜醜唔多出聲咁就主動請纓話要照住佢，自此就越嚟越熟，中二我哋四個重同班添；都唔明點解咁好彩嘅，而家就話我哋專登揀埋同一科啫，當年啲先生將我哋幾個靚女編晒去同一班其實有乜好處？定係會唔會有內情嘅呢？
我：「頭先…我哋嘅活動無影響到妳嘅心情吖嘛？」
Z：「OK呀，妳哋同佢玩得開心就得，最重要唔好攪到我。」
我：「做乜突然之間咁睇得開，唔係最討厭唔正經嘅男仔㗎咩？」
Z：「嗯…我諗佢係好人嚟嘅，知道我唔鍾意所以就無對我點樣，其實男仔有乜正唔正經，就算個樣再正經都係會諗衰嘢㗎啦。」講起好同壞，佢同幽蘭啲判定標準真係…
我：「只係驚妳…見到我哋咁樣會唔開心啫。」
Z：「都唔會嘅，其實妳同埋易汪我一早知，親眼見到係同想象嘅差唔多，唔算有乜特別。」
我：「我哋癲一晚咁多㗎咋，平時係唔會咁隨便嘅。」其實係吖，易汪我就唔知，但起碼佢表面無乜玩仔，而我就真係陰差陽錯同交叉仔住埋一齊先多咗啲額外嘅交流啫，本身係絕對唔會發生嘅，而且而家熟到咁，就算去到出面得閒惜一兩啖都叫情有可原，最重要互相關心諒解。
Z：「嗯，妳同埋易汪都好犀利，可以咁簡單就收服晒啲男人。」
我：「哎，妳係咪借啲意喺度話我哋亂攪男女關係呀？我哋真係無呀，係相處得比較開放咋…」




Z：「唔係呀，總之喺妳隔籬就會覺得好安全，見到交叉仔無晒妳兩個符就覺得好好笑。」
我：「其實男仔重係有好多都好衰㗎，妳千祈唔好見到我哋咁樣就掉以輕心，唔想再見到妳受傷害。」
Z：「放心啦，妳哋唔喺度我絕對唔會同男性接觸。」
我：「又唔使咁極端嘅，妳遲早有一日都要識男仔。」
Z：「點解喎，我覺得唔一定…雖然…我知道有好多男仔都係好人嚟，但係對佢哋就係無興趣，或者我始終學唔到妳哋咁可以放開，當佢哋嘅目的性唔存在。」
我：「呢啲嘢遲啲再諗，抖下先啦。」
目的性…倒不如話係人性，男人天生想食女㗎啦，正如我見到交叉仔對住我硬咗只會覺得好自然，而唔會諗佢有乜目的，雖然佢個腦入面一定對我做咗好多嘢，但現實上都叫做守規矩嘅；而我對佢會唔會有乜目的？好似無乜，但如果佢令我開心就非常之美好。
Zilvia真係好純，純到好似無愛嘅需要咁，如果我係男仔可能都會想珍惜同愛護佢，但到時佢應該就會避開我。
※※※※※
上咗車之後佢一路拖住咗我隻手，都唔知佢想點，我唔想感覺太見外又或者太假，只係輕輕咁貼住佢手臂坐，一路直到落車嘅十分鐘佢都無講過嘢，畀錢嘅亦係我。