【士㞗彈系列】《她被寄宿到鹽水男孩的家中》2K15中: 2K30

我：「得喇，知你百般武藝好未…」
A：「唔敢當，到我中四嗰陣，大約就係妳而家咁大個，開始有強烈慾望想拍拖，原因都係咁啦，呢啲嘢好自然嘅啫，其實對我嚟講機會大把，變相我係要諗下邊個女仔最適合我，邊個最容易發展到。」
我：「死渣男，真係以為自己喺度揀妃。」
A：「再駁嘴吖嗱，信唔信捉妳去臨幸。」
我：「臨囉，蝦我囉，我會嬲你成世。」
A：「當時有個女仔喺學校負責拉小提琴嘅，同我嘅交流自然唔少，另外佢又係學校泳隊，妳明唔明呀，中四嘅女仔差唔多發育完，著住件藍色一件頭泳衣企喺頒奬台上面幫學校攞奬，妳未必知道會有幾多男仔將幅相save低，然後做埋幾多不知所謂嘅嘢，都唔知幾多仔封佢做女神。」
我：「以前未必知，而家唔到我唔知…」
A：「佢讀書唔渣㗎，係爭我少少咁，身高同茜旎差唔多，身材都係，實在幾火爆下，一副黑長直嘅頭髮就有啲似Zilvia同幽蘭，不過性格就完全唔同，有少少易汪嘅港女feel，又有啲似妳嘅剛烈，性格非常之鮮明，屋企狀況係妳哋呢一類，係比唔上嗰個低B嘅大小姐嘅唧。」
我：「喂，你使唔使集合晒我哋嘅優點嚟踩我哋呀…」
A：「又唔係嘅，佢有妳哋嘅優點，但個優點及唔上妳哋吖嘛，對波都無茜旎咁正啦…而作為女神嘅佢，雖然我知佢對我有好感，但絕對唔似得嗰啲送上門嘅女仔，我就同普通男仔一樣去接近佢，約佢出嚟玩，之後表白…再追下佢，然後就開始咗我哋呢段初戀。」




我：「咁唔係幾好咩？」
A：「熱戀嗰陣咪係囉，日日拍拖，去食飯睇戲，對我哋嚟講錢又唔係問題，同佢一齊游水，開始接觸對方嘅身體…但我想講，初戀乜都唔識，又唔明白異性諗乜，其實成日都會嗌架，三日一小鬧，每月一大鬧，佢連續幾十個電話唔聽都係家常便飯，但又係咁迫我要氹返佢。」
我：「嗯，跟住鬧到散咗，初戀失敗收場？」
A：「邊有咁快，條女都好自虐下㗎，雖然成日發嬲但佢實在好鍾意我，而我又無乜可能所有嘢都滿足晒佢，結果就不停咁拉鋸囉，徘徊喺分手同復合嘅邊緣咁。」
我：「你咁受歡迎，唔啱咪搵過第二個囉，佢都一樣。」
A：「點會無諗過吖…但係初戀嗰陣真係好傻㗎，個人會失去晒理性，應承過對方乜都畀晒佢，要永遠喺埋一齊，相信愛情嘅力量只要磨下磨下就會越嚟越好，當時諗住至少都要一齊到考完DSE，咁樣就算分手對我哋嘅影響可以降到最低，同埋都叫努力過吖…加埋重未食佢。」