【士㞗彈系列】《她被寄宿到鹽水男孩的家中》2K15中: 2K48

Q：「使鬼咩，以你同佢而家嘅關係，就算突然出現都唔會有啲乜，最多覺得我貪得意叫多件玩具嚟。」諗返起以前都試過約健仔去黃金買電腦嘢，結果就叫埋細蚊陪我哋當佢性玩具咁，所以我係唔會反抗而家嘅遭遇。
我：「咁聽日去邊，我有無乜要準備？」
Q：「去佢屋企附近，旺角，你無嘢要準備，錢嘅話輪唔到你嚟擔心，如果想妳娘娘開心咪著返佢畀你啲衫。」
我：「呀，我重要還返條牛仔褲同條belt畀佢…重有…」
Q：「唔好，聽日有其他嘢做，而且你夜啲要返工，你搵日自己送去佢樓下。」果然女神係互相清楚對方心意。
我：「但係旺角…妳唔驚撞到熟人咩？」
Q：「如果係學校嘅人，再撞唔撞到已經分別不大，最緊要我哋正正常常，同埋你聽日再黐去易汪嗰邊就安全。」我終於明點解佢兩個行街我就可以跟埋去…
諗多無謂！食飽就去返工，有乜事聽日先再算。
佢約咗易汪三點鐘MK等，本來我諗住佢哋實喺出面食就唔煮，但係QQ就叫我都係煮費事等到咁晏先有嘢落肚；琴晚我有喺公司攞到白飯，所以就椰菜，粟米，火腿，五香肉丁，雞蛋亂炒咗個公司炒飯出嚟一齊食。
Q：「嗱，一陣朗豪坊樓下等，你見到佢嚟到就話我知啦，但你唔好俾佢見到你咁做喎。」啲女人真係…




雖然係同姐妹出街，佢都要掃下粉同畫眼線嘅。
YY唔知我會出現，但照計佢就唔會素顏嘅，呢兩個女仔真係好麻煩，明明日日喺學校就無乜化妝，出嚟又唔係為溝仔，都唔知整色整水咁多為乜？
由於星期日晏晝都係危險，我同QQ前後腳去到地鐵車廂先會合，再因為而家周街都係啲街拍友，所以角咚QQ已經變成我哋最常用嘅站姿，但又會保留返一啲空間，畢竟咁樣俾人撞到都無咁易講得入。
雖則啲無圖版謠言一早就話我食晒佢哋幾個，但搵鬼信。
Q：「你上去先啦，我喺度轉個圈，佢應該會行過嚟。」啱啱出咗C3出口就喺地下商場走廊同我講。
我都信易汪會行過嚟，奧運站同旺角站就是這麼近那麼遠，同堅尼地城去老鼠樂園有得揮；而星期日等的士都唔係易，司機大佬再聽到去朗豪坊應該爆埋粗咁滯。
三點零三分我就見到易汪喺玻璃門行入嚟，講起嚟又怪，其實呢個圈無乜特別記認嘅地方又企滿人，但大家都好鍾意喺度等人，當然我就唔介意喺度昅女。
Y：「喂！點解你呢條友會喺度㗎？」
我：「無呀…QQ講…話我同妳係好朋友不如過埋嚟。」
Y：「吓，佢又唔同我講，你又唔同我講？」




我：「如果真係朋友，應該隨時join都得？」
Y：「乜料呀，先唔似得你哋啲男仔咁頹咁hea囉，你好快啲老老實實話畀我聽，個衰妹唔係想撮合我哋呀？」