【士㞗彈系列】《她被寄宿到鹽水男孩的家中》2K15中: 2K49

我：「我諗唔係嘅，但佢有慫恿過我追妳，話妳其實無想象中咁難追，而且出軌嘅可能性都唔低。」
Y：「你叫個衰妹含JJ啦，肯定佢自己發姣重犀利過我，如果唔係點解釋你咁沉迷佢，肯定平時就有好多甜頭…」
我：「欸…我不便透露，只不過我睇過妳塊鮑魚但未睇過佢嗰塊。」我深信少少邊同殼絕對唔計嘅。
如果唔係鮑魚裙邊同鮑魚殼點解會係獨立商品呢？
Y：「我屌你啦！你係夾硬嚟㗎，無話過想畀隻鮑魚你睇囉，雖然知你好恨，重有呀，我係身體開放咋，唔等於隨便，先無咁cheap！話我易追，佢易上添呀！」真八婆…
我：「娘娘所言甚是，妳只不過係易…汪啫。」
Y：「再喺度講廢話信唔信我幫你手撕雞包皮吖嗱？快啲叫你普通朋友出現唔好玩嘢啦，我重未食嘢㗎。」
我：「佢…自然會喺適當嘅時候出嚟㗎喇，邊輪到我控制，但係妳成朝都無食過嘢？何苦呢？」以我所知班女神嘅作息都比較規律，唔似得我呢啲週末要返工所以無十一點都唔會起身，而如果QQ早起嘅話通常會自己蒸蝦餃食，我就係咁樣用十二蚊解決咗呢個煩惱。
Y：「呢排…因為同你哋食得有啲好，所以個肚仔…無謂提。」佢摸摸自己個肚，相信幽蘭係兇手之一。
比起上年佢又真係好似無咁瘦，無咁串，無咁高冷小妹，對我嚟講而家似係變態御姐多啲，都係啲毛累事。




我：「會唔會唔關食嘢事，而係男朋友播咗種入去，家陣喺入面發緊芽。」我斗膽咁摸摸佢肚仔。
Y：「有個低能阿哥，細妹就唔會犯相同嘅錯誤。」
我：「或者我可以幫妳…將啲脂肪推上去對波度？」
Y：「警告你呀下，我開放同玩得唔代表你唔需要尊重我，熟還熟都依然係我話事，唔好諗住你個女神會照得住你。」佢搣我手皮扯甩我隻手。
到咗三點零七分，QQ又喺玻璃門出面行入嚟。
Q：「Sorry…等咗我好耐？」啲女仔真係戲精到一個點。
Y：「咪七分鐘唔夠，妳做乜唔係喺MTR上嚟嘅？」
Q：「九龍站過嚟麻煩吖嘛，我梗係搭的士啦，點鬼知要等成五六部…」咪扮第一次出街好喎…
Y：「咁妳就應該兜過嚟車埋我吖嘛。」
Q：「妳下次早啲同我講嘛，重諗住妳行過嚟會快過搭車。」對我嚟講就係嘅。




佢兩個呢啲試探性嘅對話，奇奇怪怪咁…
Y：「但係妳做乜叫埋佢嚟？」
Q：「見你兩個咁friend咪嗌埋佢一齊囉，無咁悶吖嘛，橫掂我哋都行過咁多次街，或者佢會有啲用處呢。」
Y：「哦，但係佢喺度嘅話，食agnes b cafe驚佢喊喎。」
Q：「食其他都得嘅，妳話事啦，呢度妳地頭。」
Y：「就係因為呢度係我地頭，所以先知道成棟嘢其實無乜好食，一係…過隔籬Alibi食tea囉，咁佢都有嘢食。」
Q：「嗯，妳話事就得，我無所謂。」