【士㞗彈系列】《她被寄宿到鹽水男孩的家中》2K15中: 2K51

我：「呢度環境幾好，但張枱咁矮好似唔太方便食嘢。」其實隔籬有高身方枱，但又無理由自己調位。
Y：「個姐姐一見到我哋就知嚟low tea啦，所以諗都唔諗就畀咗呢張枱。」我鬼知妳哋點分高低。
Q：「對你嚟講又真係辛苦咗啲嘅，生得咁鬼高。」
Y：「我覺得，其實你兩個嘅身高非常合襯。」
Q：「哎吔，妳就唔好講啲咁嘅嘢啦，佢會唔好意思…」
Y：「我先唔信，佢明明就係最厚面皮嗰個。」
我：「妳哋…唔好咁啦，妳兩個…以至佢哋幾個，對我嚟講都係天仙嚟㗎，我點會唔知自己幾多斤兩喎，所以絕對唔會有非份之想，呢層妳哋可以放心。」
Y：「你到底知唔知乜叫非份之想，有無計過每日用咗幾多分鐘嚟性幻想我哋？」
我：「認真諗下…唔算太多…」
Q：「扮乜吖你，茄輪都打咗，重唔想落下一步咩？」




Y：「嗱，我無講過呀，不過就唔知妳喂咗幾多迷藥畀佢喇，佢有邊次唔係幫住妳？」
Q：「使鬼咩，是鬼爛但蹺下隻腳佢就春心動啦。」今日佢著住條庸懶系嘅白色印花中袖T裇裙配黑絲即講即做…
我：「我雖然係鹹濕咗啲…但係會乖乖專心食嘢㗎，嗱，妳哋個tea set嚟到喇。」
QQ一早就講過佢哋會食呢啲英式茶餐，所以我係一啲都唔意外嘅；三層銀色圓形托盤好似樖聖誕樹咁載住啲食物，有啲餅仔糕仔同朱古力仔咁，會飽就奇。
如果換做酒樓一籠馬粒糕，一碟蘿蔔糕同一碟蛋撻我會開心好多，起碼價錢平一大截，雖然一樣咁無益。
健仔雖然係做最辛苦嘅自助餐托盤運輸同清理，但都有留意啲食物係點整嘅，佢就講過呢啲咁嘅小品甜點全部係油蛋糖嘅混合物嚟，一早整定都唔知雪咗幾耐…
至於佢哋晏晝啲熱盤點食到去夜晚就無謂講喇。
Y：「係喎，就嚟到聖誕節，遲啲嚟個set一定會靚啲。」
Q：「使妳講咩，佈置都唔同晒啦，到時房價食物全部貴一截，羊毛出在羊身上啫。」
Y：「平安夜，開炮夜吖嘛，今年妳使唔使卜定房呀？」




Q：「喂呀，好歹佢喺度㗎，好心妳就唔好咁鹹濕啦。」我當然知易汪係個超級變態女魔頭，但平時嘅佢係無咁離譜，估唔到得返佢哋兩個嗰陣會咁放肆。
Y：「唓，見妳同佢咁熟先講咋，唔通妳喺佢面前重維持緊乖乖女形象？妳可以繼續扮㗎，我又唔會踢爆妳嘅。」QQ又真係同我講過佢係乖乖女，喺床上面嗰陣。
Q：「好喇喎，妳咁樣同踢爆我有乜分別啫。」
Y：「無啲咁嘅事，妳可以堅持無辜，話我屈妳就得。」
Q：「先無妳咁無聊呀…一開始就無諗過要瞞住佢，佢自己都唔係細路仔嚟啦，我唔認為有乜唔講得。」
Y：「咁咪啱囉，平安夜使唔使卜房唧？」…。