【士㞗彈系列】《她被寄宿到鹽水男孩的家中》2K15中: 2K52

Q：「無諗過喎…我哋又唔使為咗呢樣嘢而卜房嘅，不過呢，嗰晚啲酒店房一定好貴，我又唔方便過夜，如果要嘥呢啲錢我建議佢送份大啲嘅聖誕禮物畀我好過。」
Y：「妳就梗係咁講㗎，收禮物嘅話係妳得益，卜房嘅話係佢得益。」
Q：「又無咁絕對嘅，如果有靚酒店歎都enjoy㗎，咁嗰晚妳又使唔使送羊入虎口先？」呢兩個女仔真係…
或者，我聖誕願望係開工撞返Angel姐姐比較實際。
唔會啦，其實佢知我幾時返工嘅，如果想見我一早就…
Y：「哦，我講過迪迪尼間Elsa房好似幾靚，然後佢就收聲無提過嚕。」
Q：「呵，原來妳想平安夜去冰雪樂園食雪條，妳就諗得周到嘞，我諗無五位數係埋唔到張單。」
Y：「重好意思話我，妳自己咪一樣咁鹹濕。」
Q：「彼此彼此啦，如果佢肯出錢妳有得唔出命咩？」
Y：「唓，邊有咁嚴重，食雪條幾分鐘換到間靚房打卡都叫化算啦，橫掂好多嘢都係已出之物嚟。」已出之…精？




Q：「呵，妳咁講係咪即係串緊自己條仔快？」
Y：「咁又未必，可能我係喺度讚緊自己技術精良呢。」
Q：「係咪先，呢度有個公正人喺度，使唔使搵佢評價下？」妳哋…當我個身體係乜？
Y：「做乜要俾佢評，係咪妳要同我鬥先？如果係嘅話就好應該妳接受咗測試先。」
Q：「讓妳吖嘛，我驚我一嘢就清咗佢倉，到妳嗰陣無貨派就唔好意思啦，唔想妳受到呢啲打擊。」黐Q線㗎…
我：「兩位女神唔好玩我啦，喺妳哋嘅美色面前，我一定廿一秒不保，畀唔到個有效嘅評測結果出嚟…」
Y：「一早就知你係廢J嚟，但…點解係廿一秒嘅？」
Q：「因為…差唔多所有動物小解嘅持續時間都係廿一秒…」
Y：「吓，原來妳真係咁清楚佢諗緊乜。」
Q：「無嘅，知道敵人諗緊乜就係對自己最好嘅保護。」




Y：「無呀，乜嘢廿一秒呀，兩秒都無，搵你主人啦。」
Q：「為咗唔好等佢俾我笑足成世，我心地好好唔會打擊佢嘅自信，還請你另謀高就喇。」
正一兩大個淫娃，蕩婦！呢個時候我嘅食物終於嚟到，係一個比M記安格斯稍大嘅漢堡包，塊肉都厚…差唔多一倍嘅，切開咗兩半，分別用枝鋼叉仔拮住；側邊重有半份薯條咁樣，再加一兜燒汁。
呢個設定唔係幾方便我去食個包，所以就用刀叉再切開，叉返合適嘅比例嚟食。