【士㞗彈系列】《她被寄宿到鹽水男孩的家中》2K15中: 2K54

我：「真係要靚唔要命，妳最多都係聖誕老婆嚟啫。」
Q：「唓，關你乜事，唔抵得我靚女就唔好望我。」
我：「先唔會，就係唔抵得先視姦到妳哋投降為止。」
Y：「喂，嗰晚呢條友去唔去㗎？」
Q：「我就唔prefer佢去嘞，又唔係攝影學會，又無玩開學校活動，而且重唔識影相，嗰晚有我同妳互相照應好安全，反正呢條友就算見到我哋走光都只會昅埋一份而唔係提醒我哋，再者，我諗嗰晚啲仔無一個會想見到佢。」講到我一文不值咁，明明妳profile度好多相係我影。
Y：「都係，不過啲社長好似除咗天王星都報晒名，好在Myth應該唔會去，佢似乎係怕尷尬。」當真？我就唔覺得佢怕咗妳哋，睇怕係有其他原因。
Q：「咁個活動係公開嘅，人人都參加得，無理由想邊個嚟或者唔嚟嘅，咪當我個社長想關心下社員嘅活動囉…係呢，嗰陣Myth嚟approach妳其實做咗啲乜？」
Y：「會有乜做到？咪就係食過幾餐飯，睇咗齣戲，行咗幾次街，拖咗下手，嘴都未嘴過，係個傻仔以為自己有機會。」同佢哋親近多咗就知靚女其實好恐怖。
我：「係囉，我同妳打埋茄輪添啦，唔通有機會咩？」
Y：「有機會嘅，你可以考慮下做我哋成世嘅奴隸獸，負責擔擔抬抬，斟茶遞水，做牛做馬。」




我：「點解我要咁做？我先唔會咁睇唔開。」
Q：「因為…你沉迷我哋美色囉，如果你睇得開嘅話上年一早同咗韻婷一齊，重邊得閒理我哋。」
Y：「條友真係為咗妳而唔同韻婷一齊㗎？」
我：「唔關事哩，學返妳哋最鍾意嗰句，無乜感覺。」
Y：「信你囉，男仔講感覺？唔係講下面射唔射得出㗎咩？」佢哋重有無當過我係男仔嚟…
我：「唔會話射唔出嘅，但無謂滾攪人啦，唔覺得自己有心同人哋長線發展，否則一早就唔理妳哋啦。」
Q：「讕好人咁，分明係你驚喺學校出事得罪全世界。」
Y：「佢重有大把機會，露娜咁姣唔信佢唔想食。」
我：「妳哋唔好咁啦，如果我再做埋啲衰嘢，妳哋唔肯同我做朋友點算？」
Q：「我哋淨係會同你做朋友，可能人哋肯同你做炮友呢？」呢個唔係事實嚟㗎，妳明明應承咗…




我：「邊有咁易…但我忍得住㗎，如果妳引誘我就難講…」
Q：「你發夢啦，會見到我引誘你然後夢遺㗎喇。」
Y：「條友用激將法嚟刺激妳，小心唔好落踏呀。」
Q：「我先唔會，妳就好難講，咁鍾意玩仔。」