【士㞗彈系列】《她被寄宿到鹽水男孩的家中》2K15中: 2K55

Y：「重點係我玩佢，而唔係佢玩我囉，例如…可以試下叫佢打我一次飛機我就除一件衫，睇佢捱到幾耐，不過呢，我都係無行㗎喇，條友沉妳又唔係沉我。」呢個遊戲好似幾適合介紹畀欣姐佢哋玩，雖然可能一早玩過晒。
Q：「唉，唔好再講，我唔想諗起呢條友為我分泌體液嘅畫面…講返男班長，嗰陣妳同而家條仔其實未firm嗝，真係完全無考慮過咩？」
Y：「如果單純比較嘅話，佢哋係各有優缺嘅，我條仔就得意啲，班長就外型煞食啲，起碼喺身高呢點，不過一諗到同自己條仔一間學校就覺得好恐怖，如果我同其他男仔玩會發生乜事，其他女黐埋去佢度我應該點算？而且啲八公八婆實每日喺度監視我哋同講我哋，到時返學肯定坐立不安。」妳對面嗰個咪八婆嚟囉。
Q：「哦，原來有得繼續玩仔係重點。」做乜望我喎…
Y：「同埋，人哋溝妳溝唔到先走嚟搵我嘅，所以我係絕對唔會考慮，先唔要食妳二手飯，免得啲人唱我綠茶。」
Q：「一齊過流返出嚟就話二手飯啫，都無接受佢…」
Y：「總之就唔得啦，佢心入面排第一嘅始終係妳。」
我：「話時話，出面食二手飯啲人都只係食其他人拒絕放入口嘅嘢，而唔係咬完（舌累）返出嚟嘅嘢，所以唔應該定義佢哋係食二手飯。」
Q：「你唔好咁鶻突得唔得，信唔信我以後唔惜你？」
我：「唔好啦，我嘅人生會無晒意義㗎，知錯喇。」




Y：「我百份之百肯定，佢個腦入面諗緊啲更加鶻突嘅嘢。」例如妳兩個啱啱畀條仔中出完，如果我再要屌妳哋嘅話應唔應該戴套好？定當嗰啲天然潤滑液？
最後將妳兩個入面載住嘅體液互相交換，唉…最衰都係妳哋，因為咁淫所以先攪到我係咁諗無謂嘢。
我：「邊係喎…鬼叫妳哋係咁講仔。」
Q：「你可以講返女㗎，講下以前點樣對啲EX，就知我話你係死鹹濕仔絕對無講錯。」
我：「唔好啦，係呢，妳哋一陣去邊度買禮物畀天王星？」
Q：「去邊度買咪約喺邊度等囉，朗豪坊咋嘛。」
我：「咁係買啲乜呀？」
Q：「買一隻Omega錶。」
我：「吓？！勞力士嘅好朋友歐米茄？使唔使玩咁大呀，單單係錶面塊玻璃都貴過我部電話。」無知如我都知世界上係有名錶嘅，喺酒樓返工就會聽到啲阿叔最鍾意喺度膠吹，九十年代靠活力先生令佢買得起人生第一隻勞力士…我心諗你廿幾年後咪重係戴住隻生銹錶食緊屋邨酒樓。
但係而家有幽蘭喺度，確實並非無可能。




Y：「你咪聽佢亂噏啦…係Swatch嘅一隻合作款嚟啫，鎮定少少，個價錢絕對平過Omega上面塊玻璃。」