【士㞗彈系列】《她被寄宿到鹽水男孩的家中》2K15中: 2K81

J：「佢哋上咗去，就好難再搵到咁純潔嘅愛情㗎喇，所以當佢遇到我，咪產生咗好鍾意我嘅感覺囉，而我都認為當初我係對佢好好嘅，有邊個中一識氹year1嘅哥哥。」
我：「如果佢咁鍾意妳，點解又要出軌呢？」
J：「因為我畀唔到佢囉，嗰陣升中二咋，大家都唔敢啦，佢好好人講過會等我大個，我亦有用折衷嘅方法去幫佢，但始終…時間係最大嘅敵人，一年後佢又遇返個EX，不過唔係我知嗰個，而係佢個中學同學，加上關係重幾好…」
我：「咁唔係怪咩？佢當初分手做乜唔直接搵返呢個EX而同妳一齊，定係妳又想講妳真係咁好？」
J：「去死啦你…因為佢哋本身就唔想散嘅，個女仔讀書廢被迫海外升學所以先散咋嘛，咁啱啲女啱啱升U喺O camp係咁發姣，個傻仔咪舐咗嘢識咗第二任EX。」
我：「噢，所以妳就忍嘞，妳負責愛嘅需要，而EX負責性嘅需要，所以就原諒咗佢？」
J：「一早話咗你係大變態嚟㗎啦，我哋無咁前衛呀…嗰陣我喊得好犀利，而佢亦知道做錯咗，但係最重要嘅係佢EX只係放假先返嚟一陣，加上已經有新男朋友…因為我知道佢最愛嘅其實係我，所以原諒咗佢，佢EX走嗰陣我哋有一齊去送機，因為個女仔話想當面同我道歉，咁我出於好奇心又想見下佢，算係一個幾溫柔嘅姐姐，感受到佢真心同我認錯，重拜托我好好照顧同睇住佢EX。」
我：「嗯，唔錯唔錯，八到人哋讀完書會唔會返嚟未？」
J：「你條友講嘢真係無句啱聽㗎喎，唔知呀！」
我：「咁妳得到咗佢EX嘅認證同埋囑咐，所以男朋友再出軌就繼續原諒佢？」




J：「先唔會呀，因為種種原因…中三嗰陣已經畀咗佢，佢第二次出軌對像係兄弟個女朋友，兄弟去咗旅行，嗰條女飲大咗，佢去幫手接人哋返嚟，點知就出咗事，但最頂唔順嘅係佢兩個之後再約多幾次出嚟，所以先會俾我發現，我係即時同佢講分手嘅。」
我：「睇嚟…出軌先係呢個世界上最開心嘅事情呀下，不過唔緊要啦，對家條女都係出軌，可以考慮下一鑊熟換對面條仔返嚟，話唔定會更加好呢。」
J：「你條友都唔知當感情係乜，以物易物呀？」
我：「講笑啫，邊有咁易，咁妳最後又原諒咗佢？」
J：「唉，我都唔知，佢用咗成個暑假嚟氹我，而身邊無咗男仔嘅生活又真係好唔慣，起初諗住出嚟俾佢陪下…」
我：「曳得兩次實有第三次，妳真係肯原諒佢？」
J：「咁佢係咪真心鍾意我其實感覺到嘅，男仔就個個都想曳㗎啦，而佢又真係畀到啲我需要嘅嘢我。」
我：「妳肯定到佢真心鍾意妳？出軌喎…」