【士㞗彈系列】《她被寄宿到鹽水男孩的家中》2K15中: 2K82

J：「即係咁，假如…有一日露娜同你唔小心出咗事，係咪就可以取代到Queenie，令你唔記得晒曾經發生嘅嘢？」
我：「點解個個都講到我同露娜有嘢咁…而我同Queenie亦唔係一對喎，不過無可能唔記得佢嘅，佢係特別嘅。」
J：「咪就係咁囉，同埋你呀，唔好當我哋係盲先得㗎。」
我：「妳哋無盲，咁應該睇到我同露娜無嘢㗎係咪？」
J：「暫時係嘅，如果佢得咗手點會唔打蛇隨棍上，以佢嘅性格一定煩死你，等你無得再黐住班女神。」
我：「乜暫時喎，唔會㗎喇，又唔係咁啱key。」
J：「唔使咁驚喎，我無嘢幫到你，亦唔得閒害你，如果你真係咁鹹濕又無本心嘅話一早扑咗露娜啦，我諗呢一點你女神係睇到嘅，話唔定有得加分。」
我：「加乜鬼吖，人哋有仔，但唔好講到露娜可以隨隨便便有得扑先得㗎，我諗佢未至於咁亂嚟…」
J：「我唔係想話佢亂嚟，而係對你有信心啫。」
我：「唔使對我有信心，而家自由自在我覺得幾好…咁希望妳男朋友係真心鍾意妳同肯改過啦。」




J：「佢而家重係成條死狗咁，話乜只要我肯同返佢一齊就乜都得，就算以後到我曳咗都可以當無事發生過…不過拍咗咁耐拖，其實自己心態開始改變，有無掂過其他異性可能唔係咁重要啫，佢一早就有過兩個女朋友啦…所以，佢去開party呢啲，唔會令我歧視佢嘅。」
我：「難得有女仔咁明白事理，我實在非常欣賞妳，而你兩個性情中人又咁啱坐埋一枱，話唔埋遲啲可以交流…」
健：「無啲咁嘅事呀，我對阿欣係一往情深，玩還玩，唔會影響我對佢嘅感情。」
我：「無問題呀，咪就係話你兩個可以玩還玩囉。」
J：「唔可以，無興趣，零感覺。」咁易汪口脗嘅。
我：「妳望下，雖然條友口講話唔玩，但妳一請佢食檸檬就即刻扁嘴…咪咁狠心啦，佢都話咗無呢個打算。」
J：「我唔係呢個意思…我覺得佢係好男仔嚟，呢啲嘢係應該由佢同女朋友安排，加上我唔係未試過，所以唔希望再插手其他人嘅感情，你乖乖地過埋個開心嘅聖誕節，識多啲靚女姐姐，返嚟就睇唔上我呢啲貨色㗎喇。」
我：「說話又唔係咁講呀，隔籬位係別有一番風味。」
J：「頂你死交叉仔咪再喺度調戲我哋呀下，你咁鍾意風味唔該搞掂咗K姐先，唔爭在攻陷埋前面位。」
我：「如果我有呢個能力，就唔使俾班女神玩到陀陀擰啦，家陣我唔係男神俾佢哋圍住呀，而係一件俾人踢嚟踢去嘅玩具…但其實…我係喺度幫緊你兩個咋，萬一日後太好謦突然之間想做壞事，但諗起我呢個大魔頭咯，咪即刻唔敢曳乖返囉。」