真·後現代末世純手寫校愛網小《交叉仔傳記》: 2K153

我：「係嘅係嘅…咁點解咁唔得閒呀？」
蚊：「哼，去返工呀！唔通等你養？」
我：「如果我養得起，又唔係好介意嘅…」
蚊：「唓，我就唔信你無份養姐姐。」呢個嘛…
我：「咁妳聖誕節要去返乜工呀？」我都知聖誕節係嗰啲唔三唔四行業搵錢嘅大好日子，但佢先咁細個…
蚊：「上次個管工話我手勢都幾好，咪問我得唔得閒去幫手整聖誕佈置囉，或者去做埋聖誕姐姐幫手派糖畀小朋友…不過我諗，可能因為只係我夠平，哈哈…」
我：「咁都幾好噃…有幾錢一粒鐘呀？」
蚊：「五十蚊囉，哈哈，高過最低工資，但聽聞其他人最少都有六十蚊，可能因為我唔啱做粗重嘢掛，是但啦，我放假又無嘢做，又無拖拍嘅。」
我：「唔緊要啦，妳可以去返工已經叻過好多人，但妳唔好剩係顧住做嘢喎，書都係要讀…」
蚊：「知喇，我都唔想成世做酒店打雜，係放假先有幾日返咋嘛，我而家喺度溫緊書。」




我：「又幾乖喎，同埋妳返工要小心啲呀，唔係個個炒散都好似健仔咁正經，重有…唔好因為啲阿頭畀少少著數妳就由得佢哋揩油呀，要識得保護自己。」
蚊：「呵，你咁驚我俾人蝦咪溝返我囉，同你講呀，你係阻止唔到我俾仔溝㗎，有仔嘅話重一定會俾佢扑，最多我應承你每一次都會戴套。」
我：「對唔住細蚊…係我以前對妳唔好。」
蚊：「咁點唧，係咪聖誕之後約我呀？」
我：「欸…我要再諗諗，其實我都想見下妳嘅。」
蚊：「知吖，你搵到邊一日女神唔得閒理你先再搵我啦，又或者突然問我都得㗎，我無乜地位。」
真係無晒佢符，但見佢咁精神我都安樂嘅，總好過俾其他仆街仔拐咗去；聖誕有工返係好事嚟，我咪一樣返爆晒。
謦咗陣電話，我同佢嘅關係重好過拍拖嗰陣，而且又乜都講得，然後就準備換衫落去搵健仔。
呢個時候QQ亦都上返嚟攞嘢，當然我有問過佢係咪自己搞掂，而佢搦起兩袋嘢就諗住出返門口。
我：「咦，妳…唔使換衫？化妝？」




Q：「你個好班長囉，佢話得返兩年到著校服，所以想體驗多啲做清純學生出嚟玩嘅日子，咁今日佢係主角嚟，就梗係佢話事㗎啦。」
我：「佢可能係唔想同妳哋一齊搞咁多嘢鬥靚。」
Q：「可能啦，但其實佢學Zilvia咪算囉，貫徹實行自己一向嘅生活態度就得，我哋又唔會迫佢嘅，係呢，你換衫去邊呀？落去打波？」
我：「死人健仔呀，又迫我同佢一齊做運動。」
Q：「嗯…使唔使順便叫佢上嚟用你個harddisk嚟訓練下，睇下一晚可以射到幾多次？」
我：「妳…唔好咁實事求是得唔得，同埋點解要係我嗰個？佢自己咪又係會睇鹹片…」