真·後現代末世純手寫校愛網小《交叉仔傳記》: 2K172

諗返起佢對波，佢嘅裸體，其實我真係好想得到更加多，但又唔想有一種利用佢嘅心態，如果可以開開心心一齊玩就好，橫掂大家都係鹹濕嘅小朋友嚟…不過如果佢有男朋友嘅話又點會需要我呢？佢唔係隨便到咁。
正如我都唔係好隨便，如果唔係早就食咗契妹。
呀，我唔想諗呢啲嘢呀…一諗到自己好耐未做過愛，而且重有排等就唔知點咁，死人健仔應該今朝去練波，晏啲就返酒店，點都唔會陪我㗎嘞，唔通我要留喺屋企打飛機？
諗下㞗嘢隻Q就已經出咗門口，唔打飛機喇！打機啦！
無心情煮嘢，無人食我煮嘅嘢，唔得閒食嘢，餓先算…
※※※※※
點解…我有啲唔想去對住佢，覺得好煩…唉。
雖然佢知道錯係好事，但咁又可以點，最多都係計好晒啲時間嚟就我，整體嘅格局唔會有乜改變。
我：「你點呀，做乜走咗嚟呢度嘅？」係新蒲崗舊街入面嘅一個蚊型公園，皆因同個細路補習加上之前喺附近練band所以對呢度好熟，靠一張相就locate到佢。
「Queenie！…對唔住…嗚嗚嗚嗚！」佢本身頭耷耷坐咗喺張木凳上面，隻手搦住部電話，一見到我就跪地抱住我隻腳喺度喊…




我：「黐線嘅咩！有其他人㗎！快啲同我起返身。」
「唔起，除非妳肯原諒我先！」雖然無諗住服務佢，但我都著咗短裙黑絲，但就俾佢啲眼淚鼻涕整污糟晒。
我：「如果你重想見到我，就即刻同我坐返好…我走㗎喇。」佢聽到我咁講就即刻彈返上張凳度。
「鳴嗚…係我對妳好差，我知錯喇…以後唔敢。」
我：「嗯…做乜喺度嘅？」我都唔知點覆佢。
「我…嗚…喺隔籬圖書館溫書…唔敢留喺屋企…嗚嗚…驚屋企人擔心…對唔住…我差唔多日日都要…嗚…補習，好難抽時間陪妳，所以先會…嗚…咁樣…唔係想冷落妳，係我衰…成日都諗住攪妳…但我無…嗚嗚…當妳係雞㗎…」
我：「好喇，好喇，抹返乾啲眼淚先啦。」
本來…諗住睇到佢認衰會有啲開心，事實係無乜感覺。
「我保證…以後一定會問妳…唔會自把自為，可唔可以原諒我？」其實我最主要係嬲一個人喺街無所事事一粒鐘。
我：「其實…當女朋友係雞又唔係乜大問題嚟嘅。」




「點…解妳會咁講㗎？嗚嗚嗚嗚…」
我：「好喇，喊完先再講喇，如果唔係我會頭痛。」我坐埋上張凳度，將佢個頭拉落我大髀上面由得佢喊。
關於我哋嘅事，最希望就係可以無事無幹咁繼續落去。