真·後現代末世純手寫校愛網小《交叉仔傳記》: 2K174

「妳同佢好熟嘅？無聽妳…提起過佢嘅？」
我：「我前日先畀你中出完咋！你而家咁樣走嚟質問返我？唔信咪算囉！咪再問我原唔原諒你呀…」
「Queen…唔係…嗚…我唔係唔信，我知道一直都有好多男仔追妳，我信妳無出軌…嗚…但係近呢大半年，妳越嚟越少同我講嘢，以前個社長追妳妳都同我講…但妳暑假同屋企去旅行又無同我講，剩係send咗幾張嘢食相畀我，又無再講阿媽壞話…我知道妳同班姐妹夾band重贏埋，但係妳連練習嗰陣係點樣，揀咗乜歌，贏咗有幾開心都無同我分享…次次叫我畀心機讀書就算…嗚…以前唔係咁㗎。」
我：「咁DSE係好重要㗎嘛，得返四五個月咋，如果你重顧住成日拍拖同搵我，到時炒粉點算喎，你約我我都即刻嚟搵你啦，咁我上咗高中自己都多咗活動吖嘛，剩係練band都無咗十幾晚啦，或者我而家畀返啲片你睇…」
「唔使喇，我已經喺出面搵到妳哋隊嘅IG，嗰日表演好出色，妳同埋班姐妹都好靚女。」
我：「咁咪得囉，所以之前兩個月實在係好唔得閒…」
「其實妳係咪已經唔再需要我？搵其他人陪好過…」
我：「點解你要咁諗我？你明知我打個電話就可以即刻出軌，但我諗都無諗過，因為我係你嘅女朋友嚟…就算唔方便將我哋啲相貼喺IG，我都有同其他異性講我拍緊拖…」
「因為…我覺得會失去妳…嗚嗚…」佢又趴喺度喊過。
其實我明白佢嘅，因為我都真係幾仆街，諗住次次畀佢扑完佢就會安心，可以乜事都無…




我：「乜你…想成世對住我咩？」
「嗚鳴…可以㗎…唔係幾好咩…嗚…」
我個腦七國咁亂，畢竟我唔再係一個攤大手就有近乎無限錢使嘅女仔，要嘥時間同精神搵錢，可見將來都要繼續往喺男同學嘅屋企，同某個死鹹濕仔生活…我當然唔介意維持同男朋友嘅關係，但係如果呢件事會增加我煩惱…
除咗摸摸佢頭，我都唔知重有乜可以做到。
「妳…係咪…唔再愛我嗱？」佢伏喺我上面講。
我：「如果我話從來無愛過呢？」
我都唔知自己點解會咁夠膽講出口，可能我真係無乜感覺，同埋實在唔想煩；問心嗰句，撇開其他仔唔講，四個姐妹喺我心目中嘅地位都一定高過佢，假設利害係相近嘅話，我一定會以幾個姐妹為先。
「點解…妳要咁對我…我知我衰…嗚…次次見妳都諗住攪妳…所以唔鍾意我都好正常。」
我：「我點對你呀，如果我唔愛你，但你都有得同我做愛，重食埋我隻豬，咁唔係賺晒喇咩？」
「唔係呀，我唔敢喇，以後會好好地對女朋友。」




我：「唔關事喇…不過你以後就真係要好好地對女朋友，但嗰個女仔唔係我。」