真·後現代末世純手寫校愛網小《交叉仔傳記》: 2K208

Q：「唔係嘅，應該話…無乜呢個打算。」
V：「咁嘅話，即係反正都會完，其實無乜曳唔曳啫，如果妳好乖就唔會識到其他人，咪被迫同佢繼續一齊？」
Q：「妳覺得我會因為拍拖就識唔到其他仔咩？」
V：「咁咪係囉，所以想唔想曳，根本就同有無男朋友無乜關係，可能係妳對住交叉仔唔想啫。」先唔講幽蘭有陣時啲奇怪發言真係幾唔合邏輯，佢無乜朋友都係自己攞嚟嘅，雖然我早就慣晒。
Q：「又唔係咁講嘅，因為有男朋友…所以都唔可以太無規矩，就算係交叉仔…應該都唔想我太過放蕩嘅，如果我係仔都啱嘅話，妳估佢又會開心？」係咪偷換概念？
V：「嗯…我都係覺得，既然你哋都有做開呢啲嘢…嘅話，係屋企一對一嗰陣實好難忍，尤其係男仔。」
我：「咁唔可以㗎嘛，佢都係屋企有事先過嚟暫住，如果我重對佢做埋啲咁過份嘅嘢嘅話，佢咪好慘…而且佢有男朋友嘛，我都唔想咁傷害人哋，將心比己啫。」
V：「但係你都聽到佢講，唔係好鍾意佢男朋友咋嘛，而且見到團長呢啲靚仔又會發姣，其實已經精神上出咗軌啦，萬一佢男朋友知道咗，我諗會一樣唔開心。」
我：「總之…我對住妳哋呢啲靚女，做男仔嘅都係唯有死忍，妳哋無理由唔明嘅。」
V：「所以咪佩服你囉，如果我係男仔得我同佢喺屋企嘅話就一定忍唔到，自從上次同佢沖涼揸過佢對波之後就一直都忘記唔到，成日都好想揸。」




Q：「妳係女仔…俾妳揸下有乜問題，但係點解妳會好想揸嘅，唔係想同我講妳鍾意女仔吖嘛…」
V：「嗯，應該唔係，我都唔係好知，因為我成日俾屋企看住都無得同其他男仔女仔玩，但係嗰日俾團長惜，其實係有少少開心嘅，但因為佢實在係對我太衰喇，所以我又好嬲，如果佢好似對妳咁對我，我或者都有啲機會鍾意佢嘅。」如果佢要對妳好…妳早就做咗佢性奴喇。
Q：「千祈唔好，佢無嚟認真㗎，呢啲人剩係識玩女。」
V：「但係都重有兩個女仔心甘情願畀佢玩，真係諗唔明…不過呢，茜旎妳對波真係好好揸㗎，有完美嘅手感，又大，生得又靚，皮膚又滑，前面兩粒又可愛喎，如果唔係呢度有cam影住嘅話真係想即刻非禮妳添呀，可惜我無對靚波波喎，如果唔係我揸自己就得。」
Q：「都唔係吖，妳又唔係無，其實好標準呀，我覺得妳身材好好喎，而且重好靚女…」
V：「個樣靚日日對住塊鏡都睇厭啦，靚波波唔同喎，對手實在感受到吖嘛，而且我無…」
我：「妳哋兩個係咁喺度波波波波，有無考慮下我嘅感受？」其實我一早慣晒，不過都要扮下嘢嘅。