真·後現代末世純手寫校愛網小《交叉仔傳記》: 2K209

V：「咪係囉，你日日喺屋企對住個咁正嘅女仔，又無人看住，都唔知點解忍到嘅。」
Q：「哎吔，佢呢啲傻仔…惜佢一啖，除個Bra出嚟叫佢幫我洗就得㗎啦，其餘嘅…佢識自己搞掂。」
V：「啊，原來會發生啲咁嘅事情！」令人嗌救命嘅大小姐…掉返轉頭講，妳成日要我幫妳啜lin又係想點…
Q：「無辦法啦，咁…個個男仔都要發洩下嘅。」
V：「呀，如果你想借我個Bra嚟用嘅話我都可以㗎…但，如果我工人發現到我少咗個Bra嘅話應該會好大鑊…」
Q：「哎唷，妳唔使理佢㗎，佢哋呢啲個個都係色狼嚟，妳無乜同男仔相處過，千祈唔好同佢哋太過親近。」換言之，佢成世都唔使同男仔相處啦，學埋佢屋企指引…
V：「嗯，我唔驚佢，因為有妳看住佢，佢邊敢對我做啲乜，而且我屋企又看住我，佢都唔會有機會，問你吖，假如得返我同你喺間房度，無cam嘅，敢唔敢對我亂嚟？」
我：「咪玩啦…唔計其他，女班長知道嘅話第一個就殺咗我啦，我好珍惜生命㗎，打飛機就夠。」
V：「嗯，你都真係幾知足…不過係慘啲嘅，同我一樣慘慘豬無拖拍，而佢就可以去搵男朋友開心舒服…呀，我食飽喇，呢堆粉畀返你處理。」
我：「多謝…我會好好珍惜妳嘅口水尾。」




對窮人嘅小朋友嚟講，淨食餸唔好味㗎，一定要有飯同汁，晚晚睇住啲洗腳唔抹腳嘅酒樓大叔淨係食小菜唔食白飯就覺得好大嘥，而且鹹到死咁樣邊好味㗎。
我：「想問下…有無洗潔精㗎？」
V：「唔知喎，你放低得㗎喇，工人會洗。」
我：「唔係幾好嘅，自己整完應該自己洗返。」
V：「但係…下面咪就係洗碗碟機嚟囉，不過我唔識用，你放低得㗎嘞，如果唔係你手洗完佢都係會再放多次落部機度。」我望一望，當然唔會識用呢啲富人電器。
所以我都係順手擺落鋅盤，開啲水浸住就算…我喺度諗，如果啲汁乾晒嘅話部機重洗唔洗到呢？人手洗會洗到成隻蟹咁，但…或者有錢真係萬能，喺度做工人唔錯。
食完飯，QQ好自然就喺度打開個冰格搵甜品。
Q：「喂，你要乜嘢味呀？」佢攞住士多啤梨味。
我：「其實…我好多味都想試。」
Q：「唔知你，咁你自己攞嘞。」




我：「但食咁多…會唔會唔係幾好？」
Q：「會呀，會肥囉，但如果你係諗住同佢慳就唔使嘞，因為無人食嘅話都係會擺到過期。」
我：「我想問下灰色呢兜有乜唔同？」
Q：「無乜唔同，大兜裝囉，係餐廳專用包裝。」我喺超市見開都係其他嗰啲一人裝，又或者我食得晒嘅家庭裝，未見過呢種灰色一大盒，雖然上面有招紙…