真·後現代末世純手寫校愛網小《交叉仔傳記》: 2K226

Q：「你諗啲嘢真係有咁衰得咁衰，可能只係偷食驚俾人發現呢，個女仔係同事嚟都唔出奇，返工好悶㗎嘛，你之前都識咗個…乜鬼Angel姐姐。」
我：「係嘅…但非常可惜佢無再做啤酒姐姐嚕。」
Q：「掛住人哋呀？我記得佢都幾正下。」
我：「掛都無用，我哋之間無發生啲乜，可惜佢只係做咗一個新年…」如果唔係之前撞到佢知佢無再做，我都會期待下今年嘅聖誕或者出年新年可以撞得返佢。
Q：「佢長做嘅話重得了嘅，肯定會俾你食咗。」
我：「點解唔可以掉返轉，係佢食咗我喎？」
Q：「即係話…呢個可能性都唔細？」
我：「好難講，佢係有啲野性，以前係band妹嚟，妳都見佢上次無端端喺條街惜我…而且佢係姐姐唔會衰十一。」
Q：「無用，明明有機會食你都錯失咗。」
我：「算啦，我又未至於見女就上嘅，但某程度上…有妳喺屋企可能係主要原因之一嚟。」




Q：「呵，又怪我阻住你扑嘢，正衰人嚟…睇下，嗰邊又有一對情侶行緊過嚟，睇怕又係要入去扑嘢。」
我：「人哋望過嚟喇，咪又係以為我哋啱啱喺入面扑完嚟…」QQ真係幾黐線，正常女仔經過呢啲地方要雞咁腳走夾唔抖先合理。
Q：「唓，扑嘢一定要嚟酒店嘅咩，每棟住宅晚晚都好多人扑嘢㗎啦，包括你棟公屋。」
我：「小姐妳真係突破盲腸，我爹地媽咪咪喺度扑咗我出嚟囉…喂，人哋行到過嚟喇，重望…」
QQ無再望住pair情侶，擰轉頭攬住我嚟惜…反而變咗對情侶望返住我，是但啦，我早就慣；最後，對情侶又喺我嘅還拖之後迴避眼神，帶住少少尷尬咁喺我哋身邊過馬路，再入咗去對面間時鐘酒店。
我：「人哋入咗去喇，妳攪乜鬼？」
Q：「無呀，幫佢哋打氣，等佢哋陣間激情啲。」
我：「乜原來係咁㗎咩，妳使唔使去幫手做動作指導？」
Q：「如果佢哋想嘅話，其實我又無乜所謂。」
我：「服咗妳…似乎妳都好想扑嘢咁。」




Q：「從生理角度嚟講，我幾時都唔介意同個好男仔扑嘢。」QQ講嘢幾時都係咁玄…
我：「嗯…係嘅，正如靚女都係會令我哋勃起咁。」
Q：「唔講喇，無嘢扑呀，重要等多大半年先有得俾你扑…」點解好似好慘咁，明明只係用嚟報答我嘅承諾。
我：「啊…妳…好想同我扑嘢咩？」
Q：「無所謂啦，我哋都咁熟…同埋…我而家真係搵唔到第二個扑吖嘛，如果搵瘟神…佢之後實煩都煩死我。」
我：「傻嘅咩，做乜要無端端同佢…」
Q：「咁起碼知道佢肯惜我吖嘛，都係假設下啫。」