從零開始的留班溝女生活: 8

Tina：「呀Ken你搞咩呀，早會都未開始就已經僕喺度瞓，你琴晚係咪瞓唔夠?」

我頂！女神級嘅Tina竟然會主動關心我，唔通我嘅春天要來臨。咪撚ff啦！唔通我聽錯，定係我發緊夢啊而家。

我打咗自己兩巴，冇事發生過，我真係唔係發夢。

我：「早晨呀Tina，係啊琴晚瞓得唔好，不過唔想要而家好精神。」一開眼就見到你唔，精神都難。

Tina：「點解頭先你要打自己兩巴嘅?」



突然問我一個咁難答嘅問題，搞到我都唔知點認佢好添。冇理由同佢講話我頭先以為自己發緊夢，所以打自己兩巴睇下係咪發緊夢，求9祈作個藉口應酬佢。

我：「我慣咗起身打自己兩巴，講明先我唔係m底，純粹覺得咁樣可以精神d。」

Tina：「原來係咁，咁得意嘅 。」

有個腳步聲係高踭鞋，應該就係Miss Chan。

我：「唔傾住，Miss Chan殺到嚟。」



果然冇比我估錯，頭先嘅腳步聲真係Miss Chan。佢今日冇著佢琴日嗰件摟屌裙，今日做咗件白色恤衫配黑色長褲，搞乜鬼黑白配呀，配返對高踭鞋（究竟佢有幾鍾意著高踭鞋，佢本身已經咁高，著咗高踭鞋咪仲高）

Miss Chan：「各位同學，傳你嗰啲暑期功課出嚟，唔好唔交喎，我要做曬架阿邊個邊個唔好寫啲野做漏幾題。Tina幫我數下齊唔齊。仲有呀Ken，傳完功課之後出一出嚟。」

我心諗：大檸樂，我做錯咗啲乜撚野，Miss Chan做乜叫我出去。定啲嚟冇嘢嘅，話唔定係想約我去課後私人補課呢。

我：「Miss Chan搵我乜事，係咪有嘢需要我做?想問使乜吩咐?」點解d語氣搞到我好似Miss Chan隻兵。

Miss Chan：「一陣Tina收好暑期作業之後我想你幫我睇下佢哋有冇做齊，記得要一業一業咁樣睇喎，我知你唔會托Miss Chan手踭嘅，係咪先?未做好嗰啲幫我記住佢之後同我講，同埋幫我彈返份功課畀佢哋。」



我：「收到。」

佢嗰句「我知你唔會托Miss Chan手踭嘅」真係好大殺傷力，我嘅弱小心靈瞬間受到1000點暴擊傷害，佢就會喺後面加多句「係咪先」即刻當埸暴斃，瞬間俾佢攻略咗。

問Tina攞完d功課梗係趁未上堂之前喇喇臨check薄，Miss Chan落咗order喎，梗係要比啲效率。

check咗幾本之後就打鐘上堂。令人覺得教嘅野我上年都聽過下咁，點解我好似一啲印象都冇，相反隔離嘅Tina形成咗好大對比，積極舉手答問題，仲要答問題。又係一個學霸，仲有靚女添，即係我嘅理想型。

Tina呢一個同桌真係冇得講，佢見我好似唔識噉佢唔主動過嚟教我，聽佢把靚聲真係好過聽d老師講，我聽左兩年老師講書都唔明，佢一講我即刻明，如果佢做老師佢我做學生，肯定課課五星星。係佢教我嘅同時我地坐非常之近，差唔多自己手臂可以掂到對方手臂，難得喺呢個咁近距離我梗係可以嘥曬，我儘量借啲意睇下有冇機會可以唔覺意hi到佢。上完堂小息嘅時候佢仲主動幫我手check啲薄，咁好嘅女仔邊度搵。

記得上上下堂嗰陣時我唔小心跌咗支筆喺佢嗰度，當我彎低身執筆嗰陣時，唔覺意hi到佢條裙，正常其他女仔實話我變態佬非禮佢，但係Tina佢竟然咩反應都冇，佢究竟係唔察覺定係冇所謂。

呢樣都唔係最古怪，坐喺前面嘅Amy上堂嗰陣時成日周不時望過嚟，都唔知佢搞乜鬼，斷估唔係望我。