從零開始的留班溝女生活: 10

我feel到Tina挨埋嚟，我嘅第一反應係佢係咪想要，巨龍哥都即刻企起身。正當我諗住問佢搞乜嘢嘅時候，佢靠近我耳仔問咗我一個我諗都冇諗過問題。

Tina：「呀Ken，你有冇紙巾?」

我心諗：wtf

我：「你搞乜要紙巾呀?」

Tina：「我急屎但我冇紙巾，借嚟用下。」



我屌，等我同巨龍哥仲以為你想要問我有冇condom添，點知原來係急屎冇紙巾問我借，雖然我知你唔會還（乜借出去嘅紙巾會收得返嘅咩）

失望完一兩秒之後，我遞咗包紙巾俾Tina，之後佢又同老師講話去廁所。

我心諗：夠膽你就大大聲講話你急屎。都唔知邊條on9話女神唔屙屎，人有三急唔係好正常咩。

就喺Tina離開咗課室嗰陣時，Amy轉個頭埋嚟我嗰邊。

Amy：「死鹹濕仔，你咪再借啲意喺度抽Tina水。」



我：「噉都俾你睇到，好心你專心啲上堂啦！」

過咗一陣之後，Tina去完廁所返嚟。

Amy：「I am watching you」

我頂，呢句好有殺傷力，因為喺我嘅理解入面，呢句「I am watching you」應該係代表我喺到注視緊你，肯定對我有啲意思先會注視我，如果唔係望都唔想望多我呢個毒撚兩眼。

既然都已經畀Amy發現咗我嘅抽水大計，噉我都係時候要收下手。



我：「喂Tina，乜你同Amy好friend嘅咩?」

Tina：「Amy嘅話唔算特別熟，只係同佢一齊做兩三次分組projects，平時唔係特別要一齊吹水，佢同班上面啲同學都唔係特別啱傾，好多時佢都係自己一個。你唔好以為佢咁靚女會有好多兵仔，其實佢都好邊緣。做乜無端端噉問?你想溝人哋呀，加油，我支持你。」

估唔到Tina佢咁醒，一眼就睇穿我嘅目的添，不過咁快俾佢識先好玩架。

我：「冇冇冇冇冇……你諗多咗喇，我只係好奇點解佢成日望過嚟嗻。我他以為你哋兩個好friend，所以佢成日望過嚟睇下有冇機會可以借啲意吹下水。」

估唔到係我一番9up，Tina呢個傻女又真係信到十足十。咁樣即係Amy成日上堂轉頭唔係爲咗搵Tina，咁佢擰轉頭佢目的究竟係乜呢，呢個仲係一個謎。我始終都係冇辦法相信佢寧願同我為左我呢個死毒撚。

我就帶住呢個問題一路聽老師講書，一路喺度思考一個問題，一路不妨幫Miss Chan繼續check下班友啲暑期功課，上堂時間已經唔多，我竟然可以喺呢短短嘅時間同時做三樣嘢，我竟然仲可以抽到時間出嚟望下Amy嘅背面同小腿，仲有Tina可愛動人嘅側面，唔叫我做時間管理大師都唔得。

一路上堂一路做其他各種乜嘢，時間過得特別快，又係時候講拜拜。好彩放學之前搞掂Miss Chan落嘅order，去教研室交埋畀佢就搞掂可以收工返歸飲湯飲奶，我有一度懷疑Miss Chan佢係想叫我check完就算，之後佢自己求祈喺作文嗰一部分到打個剔畀返份答案我哋就算。不過又唔可以怪佢做得咁hea，始終有邊個暑期作業唔係求撚祈hea做，古語有云：「你不仁我不義」，咁樣學生hea做老師鳩改其實我真係幾合理。

我行到去教員室，但係搵唔到Miss Chan，我諗佢應該行開咗去廁所，噉我就諗住企喺度等一陣，反正我又唔係噉趕時間。點知我等咗一陣我見到嘅係……係一個



仲拎住張紙巾啱啱喊完嘅Miss Chan。