性交轉運打喪屍: （12）

入到房我拿拿臨閂門，喺就嚟閂實嗰陣，老細喺出面頂住左道門。

我要出盡九牛二虎之力向前推，先成功閂到並鎖上木門。

「砰！砰！砰！」

老細死心不息，喺度猛拍門。

「放過我啦老細，我平時又無做錯啲咩，唔洗咁下話？有咩咪坐啲慢慢傾囉。」



我苦苦求情，可惜換來只有「砰砰砰」嘅拍門聲。

無奈嘅我歎一口氣，然後揾紙巾先止一止鼻血。

炮房嘅佈置好簡單，得一張床，一塊鏡，以及一張檯連個三層櫃桶。

我坐到床上緩一口氣，諗緊老細明明斷左氣，因乜解究會突然返生，仲變到咁鬼暴力。

莫非佢撞左邪？抑或係練功練到走火入魔？



見佢個腦開左一忽，會唔會係俾人換左個腦？

我尋思各種可能性…

「砰！砰！砰——」

拍門聲未停過，兼且砰得越嚟越大聲。

「砰砰砰砰…砰...劈喇！」



拍門聲忽然變成斷木聲。

我唔敢相信自己雙眼，老細佢居然徒手打穿左度木門。

道門至少有兩吋厚，咁都竟然打得穿？！

我嚇到手騰腳震，立刻摷勻啲櫃桶，揾下有咩可以拎嚟自衛。

平時每個禮拜我都會打掃呢間房一次，但就好少打開櫃桶逗入面啲嘢，結果唔睇由至可，一睇就發現裡面，原來全都係啲成人情趣用品。

第一格櫃桶入面有震動棒、假鳩、手扣、口塞球（ball gag）等等。

再打開第二格，裡面擺放潤滑油、「偉哥」、印度神油呢類嘢，第三格就用嚟收藏AV碟。

驟眼之下，幾乎無一樣嘢啱洗。



門上嘅缺口就越嚟越大，老細快要殺到入嚟。

我慌慌張張咁將三個櫃桶啲嘢，統統倒出嚟，攤曬上檯面，再仔細搵一次。

最後好唔容易咁喺堆情趣用品中，搵到左一把較剪。

把較剪黐住啲膠紙，估計老細同啲女玩過「蒙著嘴巴說愛你」。

「劈喇！」

木門終於被打穿左個大窿，老細穿門而入。

同一時間，喺佢件道袍裡跌左一道符出嚟。



哇！頂佢個肺！原來琴日道轉運符唔係唔見左，而俾呢條仆街收埋左。

為左揾藉口扣我人工，連咁嘅嘢都做得出，正一仆街冚家剷嚟！

我揸住較剪，以警告嘅口吻：「你條冚家富貴咪撚行埋嚟啦，否則咪怪我唔客氣！」

話口未完，條友已經撲埋嚟，擘大口想咬人，出於人體自我保護機制，我神經反射式隊把較剪出去。

把較剪準確無誤，插中佢個心口，正常人應該會馬上訓低，而我老細卻一啲事都無，照樣撲埋嚟。

佢㩒住我兩邊膊頭，哄個頭埋嚟我條頸度。

我一手竭力頂開佢，另一隻手翻弄檯面，隨手擸起碌震動棒毆佢。

我出盡力係咁毆，毆到支嘢爛曬，裡面啲零件飛曬出嚟，都依然無法制止對方。



眼見佢就要咬落嚟，喺千鈞一髮間，我喺檯面拎起個口塞球，塞住對方把口。

跟手再拎起檯面碌九吋長嘅假鳩，狂扑佢個頭。

對方唔但止唔鬆手，仲學似啱先咁，將我成個人稱起。

間房無閂窗，我驚佢一個唔該就拋我落樓。

「仆你個街！快啲放手呀！」我拼命掙脫。

掙扎嘅同時，望到眼前無左一忽肉嘅光頭，嗰三分一部分嘅人腦暴露左出嚟。

生死存亡間，我深呼吸一口氣，把心一橫，揸實碌又粗又長嘅假鳩，對準嗰個位，毫不留手一嘢插落去。



血水瞬間飛濺到我臉上，手上九吋長嘅柱狀體由個左邊腦，直入插穿出右邊下巴。

三秒之後，對方終於都鬆開手，並緩緩倒下。

今次條友訓左喺度，徹底失去反應，無再起返身。