那天，我遇上了命運之藍: 會面

訓醒之後我就打比柔柔講琴晚既事。
 
柔柔：「呢件事一定唔可以比湘庭知，佢知道既話，佢一定會失控。」
 
我：「係既，但我諗住問巧遙，佢而家係最親近斯朗果個，佢一會留意到啲咩，而且佢係最危險果個。」
 
柔柔：「斯朗應該唔會傷害巧遙，你睇巧遙ig就feel到斯朗好錫佢。」
 
我：「真咩？我成日覺得佢貪人靚又順手先同人拍拖，條友咁缺愛……」
 




柔柔：「咦？你係咪唔抵得？你又去追人囉，反正追女神你最拿手啦～」
 
總覺得柔柔呢幾年變化好大……
好懷念中一果個純情既佢……
 
我：「唔係，我只係擔心……」
 
柔柔：「情聖第一式，不經意的擔心～」
 
我：「………」




 
柔柔：「好啦唔玩你啦，你親自打比巧遙講？」
 
我：「我地一齊去？我驚我一個handle唔到？」
 
柔柔：「好呀，一個男仔無啦啦咁講佢一定會抗拒，但一定唔可以漏風聲比湘庭。」
 
 
我：「收到！」
 




我嘗試打比巧遙，
但佢無聽到。
 
於是我wtsapp佢
 
｛巧遙，我係小狼，有啲關於斯洛既事想問問你｝
 
巧遙｛hello小狼好耐無見，咩事？｝
 
我｛我想問斯洛佢最近有無咩異樣？｝
 
巧遙｛ummm……無喎，做咩咁問？｝
 
我｛咁我有啲野想講你知，但你要冷靜｝
 




巧遙｛請講｝
 
我｛是咁的，斯洛佢琴晚打左比我，佢話佢先係斯洛，佢唔知而家發生咩事｝
 
巧遙｛唔明｝
 
我｛我直接啲，真正既斯洛琴晚打左比我，我懷疑你而家身既係藍斯朗｝
 
巧遙｛唔係好明你想點，不如我地面對面坐低傾？｝
 
唔知係咪wtsapp既關係，
巧遙表現得意外既冷靜。
 
我同佢約左即日見面。
 




我打比柔柔：「我約左巧遙係佢屋企附近見面。」
 
柔柔：「好，咁我都換衫出門口。」
 
如是者我地預先早到約定地點。
 
但柔柔到之前，巧遙已經到左。
 
我：「咁早既？」
 
巧遙：「我約左人通常會係果個時間再早啲到，你都中意早啲到？」
 
我連續兩年開學第一日就遲到，
你話呢？
 




我：「唔好意思，因為我約埋柔柔黎所以早到左，你會唔會介意？」
 
巧遙：「唔會呀，我都好耐無見佢。」
 
我：「哈哈……」
 
巧遙：「係呢，你話斯洛琴晚打比你？」
 
我見巧遙急不及待，
我就率先講左比佢聽。
 
巧遙：「我又真係無覺得佢有咩唔妥喎。」
 
雖然好平穩，
但呢種平穩，平穩得好克意…




 
正當想延續話題既時候……
 
我驚訝：「藍斯………」
 
我都唔知叫佢咩名好……
唔該你出街掛番個牌等人知你係邊個。
 
藍斯朗：「黃少朗。」
 
佢叫我既時候，隱藏左好多情緒係入面。
 
佢係克意抑制自己，
佢克意唔想比人知佢係藍斯朗……
 
佢突然暈左係地到。
 
巧遙大叫：「斯洛！」
 
我走上前：「醒丫喂！」
 
柔柔趕到：「發生咩事？佢點解會係到？」