那天，我遇上了命運之藍: 醫院

我打開眼睛，
望到的……
又是天花板，
而腦海中又一片空白，
頭部依舊的痛，
 
為何斯朗每次囗來都能夠那麼精神？
 
視野逐漸清晰了，
這是……醫院的天花？




 
巧遙？
 
她伏在床邊，
 
我：「巧遙……」
 
她捽捽自已的眼。
 
巧遙激動地上前抱緊我：「斯洛！！你醒番啦？」




 
我：「嗯……」
 
姑娘：「唔該靜少少唔好阻止其他病人休息，再係咁就請你離開。」
 
巧遙：「知道知道。」
 
巧遙望回我：「你見點呀？你係咪真係無事?」
 
我：「我無事，只係有啲手軟腳軟。」




 
巧遙：「可能暈完個身體未恢復番，我出去叫醫生姑娘過黎。」
 
眼見剛剛巧遙的態度，
以及上次我手機的相片，
看來斯朗跟巧遙是非一般朋友的關係，
果然他目的是巧遙。
看來我繼續扮斯朗在扮的我好了……
很複雜……
 
很想下床，
但有心無力，
唉，不知何時又失去意識，
很想見湘庭……
 




醫生報告：「其實你無咩大礙，一切正常，可能你一時激動以致血糖過低暈倒，你隨時可以出院。」
 
我：「唔該醫生。」
 
媽媽：「無事實在太好。」
 
媽媽抱緊我…
 
媽媽這一年斯朗對你好嗎？
 
媽媽消瘦了，
我的心很痛，
是不是斯朗待你很差？
 
我抱緊媽媽……




媽媽我在這，
對不起……
 
媽媽看見我的舉動：「無事嗎？係唔係見痛見唔舒服？」
 
我要忍著，不可以再那麼軟弱，
不可以露餡的，
現在還未清楚狀況。
 
拿行李出去的時候見到很多人，
見到湘庭站到最後排。
她望了我一下便轉身離開，
想必這段時間斯朗讓她受了許多苦。
 
正當我急忙上前的時候，




有人拉停了我。
 
黃少朗：「忍住，你咁樣佢會好危險，同埋……」
 
巧遙抱著我的手：「斯洛，你攰唔攰？我送你番去休息？」
 
巧遙好像克意打斷我跟小狼的對話。
 
我：「我………」
 
媽媽：「唔洗，我送就得，唔想又有咩閃失。」
 
媽媽何時討厭巧遙的？
話中意思是巧遙有好幾次讓我陷入險境？
 




這空白的一年究竟發生幾多事？
 
巧遙失望地答應了…
 
而……小狼，你在奸笑嗎？
 
在車上我問媽媽：「媽媽點解好唔中意巧遙？」
 
媽媽奇怪：「下？突然咁問既？我地之前為左佢嘈左幾次，我以為你會知。」
 
我：「errrr……突然想聽媽媽你講一次……想真正了解下……」
 
媽媽：「不如番轉頭？」
 
我：「點解？」
 
媽媽：「叫醫生check多次。」
 
我：「唔洗啦……醫生都唔會理啦……」
 
媽媽：「 咁又係……」
 
如是者，我為免再有破碇，
我決定不跟媽媽聊天……
直至回到家中……
 
我先行入屋……
 
媽媽：「斯洛呀……突然有種感覺，好似有種你終於番黎屋企既感覺，斯洛你………errr……歡迎…迎番黎....」
 
果然血濃於水………
短短時間內媽媽已經認出我，
鼻子很酸…
很想對她說我回來了……
媽啊！
 
我要繼續斯朗才行？
但這個時候斯朗會說甚麼…？
 
啊！！
 
我：「痴撚線！」