我次次拍拖都拍唔長，因為我……: 大叔篇
今次仆街了
我仲諗住九點前番到去office執嘢，唔想同個八婆有正面嘅衝突，正所謂爛佬怕潑婦，呢條八婆都唔只係潑婦，直頭係癲婆嚟，有次我番工遲咗五分鐘，佢捉咗我入佢房，刻意唔閂房門，屌到全層樓都知我遲到，正宗西女人我刷完牙面都懶得洗，九秒九衝番公司，望下錶，八點四十五分，番到去應該搭十，仲有時間執嘢，跑到公司樓下，見到個𨋢準備閂門，我即刻大叫「唔該等埋」之後個𨋢開番門，睇嚟入面有人㩒咗𨋢門開番畀我，正當我想開口講唔該果陣，見到㩒門畀我果個就係我個八婆上司
心入面屌咗聲個八婆仲好風騷咁講「早晨喎，史太林，做咩咁趕啊？趕住投胎啊？定驚見到我，想早啲番去執嘢？
」屌，畀呢條八婆睇穿晒點
既然都要正面衝突，我都唔可以再龜縮，我決定霸氣回應，畀個下馬威佢睇，我話「我點捨得投胎啊？我未見到你呢件人老珠黃死，我都未捨得去喇
」我講完呢句，見條八婆塊面黑過玄壇，眼尾見到阿欣，佢都係部𨋢到，不過企咗係角落頭位，佢對住我暗笑咗吓，睇嚟佢都好憎個八婆八婆出咗𨋢之後語氣好惡劣咁講咗句「你快啲執晒啲嘢，九半之前還晒啲證畀hr ⋯⋯望見你呢件垃圾多一秒都想作嘔」之後佢頭也不回咁番咗入自己房，大大力咗閂門，大力到震到成層樓啲人都feel到震咗吓
之後我番咗埋位執嘢，阿欣個位係我位隔離，佢突個頭出嚟問「你做錯咩畀佢即炒？佢嬲到食咗火藥咁款
」我話「都冇咩姐，佢不嬲都睇我唔順眼，成日都想炒我㗎啦，你以後小心啲啦，我走咗佢又唔知搵邊個嚟發洩」阿欣話「今日你lastday,一陣一齊食lunch 當farewell?」我話「好啊，去新開果間cafe 吧，之前都話想試菜」