「12蚊啊靚仔,平時唔見你買多包野飲㗎喎 今日搞咩啊?」八卦啊姨問

「冇啊 幫個同學買,佢排唔切隊,快啲啦小息就黎完。」我臨忙攞錢出黎

比完錢我就同阿婆上番去 行左幾層樓梯都岩岩好上得切課室,如果唔係又比啲老師屌。

返到課室,我就特登收埋左包朱奶,冇比佢睇到,佢個樣望住我幾失落,開始有啲嬲爆爆,我決定望多一陣 因為有啲搞笑

然後我就係後面攞出包朱奶比佢



「喂你包野啊,個樣惡撚到想殺人咁」我係手後面攞左包朱奶

佢個樣有啲複雜然後想係銀包攞錢「 唔.....唔該哂,我比番錢你啊?」

「唔洗啦,你就當做係今日提我嘅回禮啦」

因為今日第一日淨係番上午 所以之後都冇乜特別

見到黃曉瑩放學好開心咁飲住包朱奶行黎行去,我就好似平時咁去左同朋友食飯。



食完就番去打我近排最鍾意嘅遊戲:FIFA

雖然冇好似啲槍game咁咁剌激,不過對足球有興趣嘅大家都知道有個模式係可以自己切隊。對於我呢個足球毒毒當然係唔放過呢個放下午嘅機會

打下打下就夜晚,好快都訓著左。

第二朝番學一如既往 都係九秒九衝番學校,番到去都係坐係個個位,眼見其他人嘅位都冇變到

呢個時候Miss Lau入到班房



「Good morning Class, We will be using the seating plan until the next term.」

意思就係個座位表去到下個學段先會轉,我地就一直坐番呢個位。

亦都意味着,我今個學段坐我後面嘅,就係黃曉瑩。

我轉身望左一望佢,佢嘅眼神已經好似冇左以前嘅串串共,仲好似對緊我笑咁 都唔知佢係仲笑緊我尋日單嘢定點

見佢笑緊 都唔爭在派下膠 可能佢又冇對我咁反感呢

「初次見面,小弟馬子朗 花名叫牙朗,今年13歲,單身,黎緊呢個學段多多指教」我笑住講,想同佢握手咁

「傻㗎,我知你咩名,黃曉瑩,今年14歲,感情狀況唔關你事!」

起碼有啲嘢講下,佢都笑笑口咁,冇黑面同啤住我,一定係包朱奶



睇黎係個好嘅開始。





 
已有 0 人追稿