[愛情] [校園] [足球] 我鐘意你　但係我唔可以同你一齊: 7.

可能咁耐以黎都冇見過佢笑嘅關係，望住黃曉瑩笑嘅時候其實都幾靚女，樣都可以話變左唔少，可能青春期大家都變左好多

眼大大，水汪汪咁，唔戴眼鏡顯得幾靚女，一般日系嘅平陰頭髮，仲有女仔黎講都算係高

可能話，平時又唔見你講過佢個樣嘅？

大哥，佢以前咁撚惡，其實連望都唔係幾想望㗎啦，費事一陣又比人屌啦

依家見佢笑住望我，對我黎講就好似難過買中六合彩咁，依家就真係比我望得到，望真啲都冇壞。哈哈



之後個兩三日都冇乜事發生過，最大唔同嘅就係我傳野嘅時候黃曉瑩唔會再好似以前咁啤住我,有時我都會扮下傳又唔傳比佢咁，佢都係笑笑口係度扮嬲。

都叫做算係咁啦，佢唔屌我笑笑口已經係一個超大嘅進展

「黎啦黎啦，做完呢組體能就過黎用波啦」林sir講

因為今日係星期五，放左學要練波

「今日會玩啲唔同啲嘅野，想大家分兩組，猜十腳，輸左就做20下掌上壓，玩完一陣就會同大家做啲進攻嘅訓練。」



「今日竟然唔係鬥波同就咁控傳球喎」阿婆係我哋休息嘅時候講

「咁咪好囉，都中學B grade啦，仲玩玩下點得㗎，我哋目標係學界冠軍㗎嘛。」阿賢回

「咁唔該你哋就表現得好啲，唔好雷我呢個球星啦哈哈」我好自豪咁講

事因我係上年嘅四強入左球超級世界波，觀眾都睇到O撚哂嘴，就係咁我成日都係度J緊自己嘅入波

「收嗲啦朗哥，你個球負碌㗎咋，你唔好雷我哋就真」啊行講完就噴水落我度



「屌你啦，不知幾撚勁，計算在內啊」我噴番佢

之後我地就練左大概兩個鐘嘅進攻，可能我地都係第一次接觸呢啲訓練，所以都唔係太習慣同適應到。

不過我最欣賞林sir嘅地方，係佢好清楚每個人嘅優點同缺點，從而去運用我地嘅優點去策劃進攻同防守嘅戰術。

呢啲遲啲會講到

每次練完波，我同啊婆佢地幾個都會去附近嘅士多買野食買野飲，之後吹下水慢慢行去地鐵站

「喂，都新學期都過左兩三日，大家如何」啊羊問到

「未死得啦，都唔撚明點解每次都係我自己一個要唔同班，學校真係玩鳩我」阿婆一口氣飲哂支野然後講

「有冇邊條女唔同左先？你都知青春期，女大就十八變，分分鐘肥婆都變靚女」啊賢用住個非常咸濕嘅眼神講



我推一推佢 「醒啦柒頭，邊有咁多十八變啊，不過近排都真係好似有個女仔唔同左好多」

「你唔係講緊你個黃曉瑩啊....外貌係變左姐，性格唔會變得好多掛」啊婆用緊個試探嘅語氣問我

佢醒起: 「唔係喎！你個日係小食亭幫佢買左支野飲㗎喎,係咪有野冇講啊衰仔」

「冇啊，佢個日幫左我少少野咪買支野飲補番數囉...」我解釋

不過...佢又真係同我印象中唔同左好多，起碼依家同我講野都會笑住講，相處得幾好啊...