[愛情] [校園] [足球] 我鐘意你　但係我唔可以同你一齊: 8.

好快就番到屋企打左陣機就訓左，練波實在太撚攰，雖然聽日星期六但都係頂唔住

星期六醒左，今日嘅我都冇野做，諗住打下機，同三上姐姐見下面就一日

得閒就碌下IG，睇下有乜野睇咁，冇啦啦見到個追蹤建議有個叫做(llwhyll)嘅人,張相都係一個普通平陰嘅女仔嘅港女相

我估佢應該係黃曉瑩？見其他同班同學有追蹤

我諗左一陣，死啦，撳唔撳個追蹤掣好呢，又唔係真係好熟咁，比人拒絕咪好柒？



忽然我嘅好奇心好旺盛，好想睇下係咪真係佢

學達哥話，一野轟落去就是了

一個等待佢嘅顯示出現左，姐係要等到佢肯答為止，唔知點解好撚尷

一陣唔撚係佢黎嘅，我走去問，咁我咪柒撚到仆街？

所以我決定，佢唔提起，我都唔會講



""我沒有為你傷春悲秋不配有憾事 你沒有共我踏過萬里不夠劇情延續故事"" 電話突然響起。

「喂？」

「喂柒頭依家有冇野做」原來係啊婆

「冇啊係屋企同三上姐姐見下面又一日​」我回

「出唔出黎踢下街場？」佢平時放假就好鐘意叫我地去佢樓下踢下街波



「唉黎黎黎」 反正都冇野做，當做出街做運動都好嘅

今日得我同佢，踢完之後都係買野飲食餐飯，食食下中途

「其實你係咪對黃曉瑩有啲好感？」

我當場噴左我口入面啲飯，眼大大瞪住佢講 「下？我同佢同學黎咋喎，之前都同你講過佢好惡㗎，又點會有感覺呢？」

佢當場串番我 「大哥啊，你都識講係之前啦。你夠講過今年人地唔同左好多，見你地相處都唔錯啊，之前都未見過你會幫人買野飲嘅」

「十劃都未有一撇，再講啦」我hea番佢咁講

之後星期日都冇野做，打打下機好快就過左一日，望住個ig "llwhyll" 呢個名都仲未肯答，姐係都仲未睇得

「死啦，會唔會真係唔係佢黎」我心諗



「算啦，聽日番學再睇下咩情怳啦」