[愛情] [校園] [足球] 我鐘意你　但係我唔可以同你一齊: 9.

星期一，如常咁番學。可能尋日訓得唔太好 一番到課室就訓著左

訓到已經完全唔記得左ig個單嘢，番到去淨係想訓教，乜都唔理唔知

英文堂嘅時候「喂起身啦」後面嘅黃曉瑩拍醒我

我望一望後面，佢眼神望住miss lau好似同緊我講係Miss lau分咐黃曉瑩叫我起身咁

「搞咩啊 尋日做賊黎？」佢冇啦啦比左張紙仔我



「冇啊 如果係咁我咪日日都做緊賊 XD」我寫番比佢

佢見到笑左笑「咁叻㗎咩，尋日偷左啲咩啊？」

「尋日有單大茶飯，要我哋偷銀行啲鑽石」我開始陪佢癲

「聽講有個賊想偷埋人哋個ig喎」佢突然咁問

我睇到張紙，吞左吞口水，唔知寫啲乜好停左係度



「係咩，邊個老友想攞大名鼎鼎曉瑩姐個ig啊」我唔係好想認

「個賊好似姓馬，名叫tl ，個名就叫mtl1018，唔知呢個咁似你嘅id 係邊個呢？」佢好似已經知道係我

「難得有個咁大膽嘅賊，咪當獎勵下個賊比佢follow囉」我寫

「如果佢親自問我我先會比佢follow喎，我又唔知係邊個，係咪先 嘻嘻 :P」我攞張紙嘅時候望住佢，佢扮鬼面咁望我

正當我想落手寫嘅時候已經落堂小息



「Goodbye Miss Lau」

小息我就留左係班房，同足球隊班撚樣吹水

「喂你地星期六做咩冇到街場嘅」我問

「我同左我女神出街啊，難得我有多張Taylor Swift演唱會飛」啊行講

「我太撚攰」啊賢講

「你實係打得太多飛機」我講

啊羊同啊婆呢個時候加入左「喂，我地好似遲啲就運動會，有冇興趣搵啲嘢黎玩下？」

「不如我哋報個800米黎玩下，大家都跑吹下水」啊婆講



「是但啦 長跑我都唔會贏㗎啦 我做陪跑啦」我覆佢

呢個時候見到黃曉瑩攞住左兩支野飲入黎 行緊黎我個方向

「唔好意思呀 我想搵一搵啊朗，你哋唔介意啊嘛？」佢真係過左黎搵我

「唔介意啊 去啦柒頭」佢哋幾個同時講仲要推埋我出去

我地去番自己個位 坐左係張枱度

「搞咩啊，係咪想我幫你搵個賊出黎呢！」我問

「唔係啊，鬼唔知個賊係你咩，咪當我傻嘅先得㗎，上次幫我買嘢飲你冇收我錢，今次比你嘅」佢攞左支綠茶比我



「嘩多謝晒啦咁，上次你幫左我嘛 有咩所謂」我摸摸頭尷尬咁講

「冇事冇事，賊仔」佢笑笑口同我講

「唉，係啦，我係個個想偷你ig嘅賊仔，咁我想問你 黃曉瑩小姐，請問你願唔願意比我follow 你個ig啊」

「願意啦，驚你遲啲爆埋我格入我屋企添」佢笑住我咁講

那你願意做我世界的中心嗎？