[愛情] [校園] [足球] 我鐘意你　但係我唔可以同你一齊: 36.

我地係海旁行人路嘅沿岸一直行，望住下邊嘅石頭，睇下有邊一舊石夠平比我地坐低。

行到中尾段嘅時候，見到遠處有一舊超級平同超級近海嘅石頭。雖然近海的確有啲危險，但係的確係個舊最合適。

「嗰一舊你覺得點，我覺得嗰舊係完美」我指住舊石頭問曉瑩

「好似又真係唔錯喎，但係咁近海會唔會跌落去㗎。」曉瑩望住石頭嘅方向

我笑左一笑，然後話「無事嘅，一係我拖實你行過去啦，如果你驚嘅話。」





曉瑩企左係到諗左一陣，本身我諗住曉瑩會死頂唔比我拖，「不如一係我地....」正當我諗住講不如一係我哋再揀過呢個主意嘅時候，「好啦....」曉瑩突然認承左我呢個提議

「係嘅話⋯咁我地行㗎啦喎」我呢句講得好唔順暢，因為我仲驚訝同興奮緊曉瑩同意比我拖呢個主意

我慢慢搖著曉瑩隻手嘅方向進發，成個行動慢到好似慢動作咁，終於都掂到曉瑩嘅手。

曉瑩感覺到我隻手掂到佢嘅時候都無抗拒到，見佢咁樣我都無再驚，一野就拖住左佢行出欄杆，當然係朋友個隻拖手，唔係十指緊扣個隻。

我率先帶頭行前，曉瑩都隨著我後面跟住，我右手拎住電話燈照亮地下，左手拖住曉瑩。一步，一步我地慢慢行出欄杆。





因為有啲危險，我哋行得好慢，行到石頭嘅時候都已經過左十分鐘，原來我已經拖住左曉瑩咁耐。

雖然時間好長，但我好享受拖住曉瑩嘅過程。" 我希望拖住你嘅時間，係永遠。" 我自己同自己細細聲講

行到石頭後，曉瑩都鬆左手，佢鬆手個刻我有一種唔捨得嘅感覺，但無辦法，依一刻嘅我無辦法做到永遠拖住佢嘅人，由其是我呢種朋友嘅關係。

坐低後，我向下望左一望，真係行前錯多一步都跌落去親吻大海。

曉瑩無跟住我望，掃左一掃地下就坐低左，我都好快就番左黎坐。





望住個海，心境真係特別舒服，所有嘅煩惱都可以比海風吹走。海對面仲開緊夜燈嘅港島城市，顯得呢度特別平靜。

「喂，諗緊咩啊」曉瑩呢一句問候係我發緊呆嘅時候叫醒左我。

「無啊，覺得呢一舊石真係幾好，近海之餘又望得哂所有野。你睇下對面仲開哂燈，對比起呢度嘅平靜同舒服，我始終都係鐘意呢度多啲。」我指一指對面岸回答曉瑩

曉瑩都無再覆佢電話嘅訊息，同我一齊望緊海，睇緊我指嘅方向。

我望住佢望緊個海，肩並肩咁一齊坐係呢度，好想有超能力可以停止時間，將時間永遠停留係呢一刻。

「望咩啊你又話望海！」曉瑩見我望住佢即刻拎番我個頭去海嘅方向。

「無啊，我仲等緊我個第一印象。」我同曉瑩講

曉瑩即刻如夢初醒般咁醒起「係喎！我都唔記得左今日出黎係要同你講呢個添！」




 
「姐係你今日出黎係完全唔記得左我嘅淨係記得個榴槤晶珠嘅」我啤住曉瑩問

「哈哈，唔係啦我金魚記憶姐！依家記得咪得囉嘻嘻」曉瑩伸一伸脷單眼咁講

曉瑩諗左一諗，然後開始講「你嘅第一印象係，傻更更咁，好社交得，唔怕醜，同埋個樣好細個哈哈哈」

「咩叫好細個啊，明明我同你都係同年嘅」我講

「係喎話說你幾多號生日，係咪就係十月十八號？」曉瑩突然問我

「係啊，我IG個度就係我嘅生日日期，你呢？我都未知你幾時生日添。」

曉瑩突然靠埋黎，好似準備同我講秘密咁「我嘅生日係.....你估下！嘻嘻唔同你講，慢慢估啦！」





「下！搞錯啊唔公平嘅！比啲提示我得唔得先？」我問

「大過你嘅」曉瑩答，「三月！」「唔係」「一月！」「唔係」「咁六月！」「都唔係哈哈」

「大過定細過六月㗎」我問，「大小小啦」曉瑩笑住答

「四月！白羊座！中啦掛～」「係啦，終於中」原來曉瑩係四月生日，都仲有一段距離

「四月幾多號先～可唔可以開估，我都估到好鬼攰」我扮抖唔到氣咁講

「開估啦唉，八號！」曉瑩都無再要我估，我地講完之後都繼續望番個海，聽住海浪聲無講野。

聽海浪 聽風矯情 乘著晚風與你觀星聽海浪 聽風矯情 乘著晚風與你觀星海浪 聽風矯情 乘著晚風與你觀星