《相隔100年嘅愛情故事》《1874》: 第三章

我問到呢度我開始相信佢真係1900年因為，我開咗部風扇佢喺咁企係部風扇前面，部風扇吹到邊一邊佢企係邊一邊，真係好cute。


第二日，不過都唔可以算係第二日，因為我琴日被雨婷噪醒咗之後都無訓過。今日day off，我打算同雨婷一齊行下街，等佢認識下2000年嘅香港。


朝早我同雨婷食咗個火腿通粉，佢食食下居然喊。我問佢:「雨婷，你做乜喊呀，唔好食呀？」佢居然話:「唔...唔係呀，係好食到喊呀，我嗰時根本無可能食到鳴咁好食嘅嘢食呀。」我嗰一刻可以肯定，佢真係1900年嘅人，我見佢咁鐘意食，我就同佢用電話影咗副相，之後被佢睇，佢居然話:「咩嚟嫁!攝魂機啊，我要死啦!」我即刻話:「你做咩啊，我用電話影相啫嘛。」之後我用咗半個鐘解釋咩叫電話，真係囉命啊!


之後，我就同佢出街，佢真係好得意，行到邊，問到邊，但係我都無覺得佢煩，反而覺得佢好得意，之後佢指咗啲私家車問:「點解啲車咁細嫁，又無天線嘅？」我又用咗半個鐘頭解釋咩叫車同車同電車嘅分別。之後我就同佢上咗架巴士去旺角，同佢食盡香港美食。但係就因為太噪被人趕咗落車...






之後我就同佢講:「我地去搭的士呀，但係你有咩問題，細細聲問就得啦。」佢塊臉紅晒，佢應該係覺得自己搞到被人趕落車，好cute呀，我摸下佢嗰頭話:「唔緊要喎，如果我好似你咁樣，無啦啦嚟咗呢嗰年代，真係嚇都嚇死。」佢塊面仲紅過頭先。


之後，我就同雨婷去咗旺角。


首先，我同佢食咗個雞蛋仔，佢又喊啦。我話:「你想食我以後咪人人帶你食囉，唔使喊喎。」跟住佢喊得仲大聲...唔講以為我帶咗個10歲嘅𡃁妹出街。






之後，我就開始同佢掃街，但係我唔記得咗，旺角除咗好嘢食多，一樓一都好多。行行下無啦啦有嗰姐仔話:「靚仔，200 1Q啊」我即刻拖住雨婷走。


之後雨婷問我:「1Q係咩啊，食得嫁？」嗰刻真係想揾窿捐。我好誠實咁同佢講咗係咩，佢塊臉紅到就快出煙咁，好得意啊。


之後我居然見到Jared，佢走嚟同我講:「咦，金仔，你都係度啊，嘩，你發達啦，媾到嗰咁靚嘅女朋友。」我即刻話:「喂！friend嚟乍」佢話:「係咩，不過我都知你呢個A0仔都唔會有個咁靚嘅女朋友嫁啦，你都係返屋企打飛機啦，我走先啦！」佢走咗之後我同雨婷講:「頭先條友你唔洗理佢嫁。」






跟住我睇下隻錶:「嘩，5點啦，要返屋企收衫啊。」我地搭完的士返到屋企之後，雨婷居然主動幫我收衫，佢話:「我係你屋企白食白住，我點都要做返啲嘢嘅！」佢真係好cute啊！！！