《愛在。貴族學園》: 特別篇 2 ~ 女孩們的聖誕節 Part 3

特別篇2 ~ 女孩們的聖誕節 Part 3（連載日期：2021/12/28）

好快，佢地就返到喺觀塘嘅攝影棚，喺裏面搭嘅其中一個景，就係一個有聖誕裝飾嘅睡房，Vincent見天殷好似有少少興趣咁，就趁機問「李家小姐，你想影聖誕私房相？」

天殷唔係好明白Vincent嘅意思，於是Vincent就話「其實就係睡房裏面嘅專輯，通常都係比較私人同大膽少少，由其係唔會畀男仔睇嘅」同時Vincent都放咗幾套比較性感嘅衫，喺呢一間房裏面......

就喺聽到呢度，天殷終於都明白，私房照可能就係會大膽少少嘅相，於是就面都紅哂咁，然後問一下韻喬嘅意思。

韻喬初時覺得眼前合作咗一日嘅影師，其實都唔係非常老實嘅時候，就問天殷「到底係你自己提出，定Vincent哥哥要我地影先？」





「其實係我覺得個景ok，好舒服，而Vincent哥哥見到之後先問我要唔要影咋，絕對唔係Vincent哥哥引誘我地影……」天殷回應韻喬嘅質疑

「如果喬喬你唔想，或者覺得危險嘅話，我地可以唔影，因為我都知道呢個係extra嘅嘢」

但係，Vincent為咗可以等韻喬同天殷安心，喺過咗一陣就話「如果你地唔放心嘅話，我可以喺交咗呢一套相之後，喺你地面前將呢套相銷毀，同時我都容許你地同你地嘅朋友報定案，萬一過咗某個鐘數，你地都唔打電話同佢地報平安嘅話，佢地可以打電話報警拉我」

韻喬聽到Vincent為咗可以得到自己信任，而應承自己咁多嘢做交換條件，但係韻喬見天殷又好似好想影咁。

所以韻喬好快就話「Deal，殷殷你打電話畀我地班長，我會打電話同我表哥講」





於是Vincent就搵咗兩套稍為性感嘅睡衣，畀天殷同韻喬喺打完電話之後換。

換上之後，天殷同韻喬兩個都有少少尷尬，喺調適好心情之後，Vincent就幫佢地影。

雖然話係私房相，但Vincent都冇太要求韻喬同天殷，擺出過於大膽嘅pose去影，反而都係以少女閨房嘅日常習慣為主。

當然都有同聖誕樹，以及天殷同韻喬互相攬住喺床上大被同眠嘅相，然後再擺多幾個pose之後，就正式完成今日嘅拍攝，而韻喬同天殷都換返自己嘅衫。

不過，因為時間實在太夜嘅關係，所以Vincent都提議，27號會將相，交到天殷手上。





而天殷同韻喬都同意，於是就先行離開，而李家嘅司機都有送韻喬返去北角福生大廈先，然後先返去李家大宅。

之後嘅兩日假期，韻喬同天殷都分別陪屋企人，出咗去玩又或者參加酒會。

而天殷都有同俊軒見面，當然俊軒都有問起天殷同韻喬一齊去私影嘅事，不過天殷都冇講得太多。

後來去到26號夜晚，Vincent喺Signal裏面，通知天殷啲相已經執好。所以天殷就隨即約埋韻喬，最後決定喺27號下晝帶埋手指去觀塘拎相。

「喬喬，你期唔期待套相嘅效果呀？」天殷喺李家座駕上面，問啱啱上車嘅韻喬。

點知韻喬居然話「哈哈，其實都幾咖，應該話都幾怕畀人影到唔好睇咖」「嘩，喬喬，你講到咁型得唔得咖？！」

「點解唔可以呀殷殷？」韻喬反問對方「反而我會好在意，我地最後影嘅一part，到底會唔會好…咩咋嘛」然後天殷同韻喬都同一時間面紅起黎。

喺上到Vincent嘅攝影棚之後，Vincent就帶住韻喬同天殷，去到電腦面前，然後慢慢show返佢地喺平安夜當日影嘅相。





果然，喺有其他工作人員幫手之下，出黎嘅效果超乎天殷同韻喬嘅預期之外。

「呢個……真係我地黎嘅喬喬？好……好靚呀」天殷直頭要用驚呼黎表達自己嘅驚嘆，而韻喬反而就比較冷靜

「係呀，殷殷，而且比我想象中好睇好多喎，多謝你呀Vincent哥哥，可以影到我同天殷咁好睇！」

Vincent於是就淺笑回應「過獎啦，韻喬妹妹，咁你地搵得我幫你地影相，而且都叫做第一次，咁都一定要保持自己應有嘅水準，去為你地兩位小妹妹，留低最美好嘅回憶啦。」

「而且你地滿意嘅話，我都可以做portfolio畀其他model參考」

「如果我真係好似出面某啲所謂“影師”咁，求其亂影然後有其他企圖，去輕薄個model嘅話，我覺得都有辱我地攝影界嘅形象」Vincent續道

「當然，我都好多謝你地當晚相信我，去影埋套聖誕私房，不如依家畀你地睇埋先？」





「好呀！」喺韻喬同天殷一齊答之後，Vincent就開始show返呢套有少少性感嘅私房照畀兩個女仔睇。畢竟都係第一次喺其他人面前着得咁少布，所以都有少少怕醜。

不過，Vincent所拍出嘅，都係健康嘅性感，同埋性感、可愛並重，睇起黎都會覺得舒服，同將少女嘅味道都show到出黎。

喺睇埋呢套相之後，天殷同韻喬都非常滿意，於是就同Vincent收相同畀錢之後，Vincent就將啲相copy落去天殷同韻喬嘅drive度「為咗你地放心，私房嗰套我自己就唔留底啦，個Master會喺你地度，你地都可以檢查一下」

韻喬同天殷於是都檢查一下電腦，確定都冇見到頭先套私房相之後，先至收好自己個drive

「ok啦Vincent哥哥，真係多謝你咁快幫我地執好啲相」天殷感激道，而Vincent都再一次微笑回應

「哈哈，唔好客氣啦，都係因為你地兩個天生麗質，而且我又有好嘅幫手，所以先可以咁快啫」

「如果你地有同學都想搵我嘅話，你地兩位都可以將我IG交畀佢地就得。」

「當然，如果有話係你介紹嘅話，我地個價錢當然都會相宜少少啦」Vincent續道「你地如果將來都想搵我幫你地影嘅話，隨時DM我都得！」





「好呀，多謝你先」韻喬回應道「好啦，我同天殷小姐都有事要走先，之後有機會再見面啦！」

「ok，之後有機會再見，路上小心啦！」「知道！」喺Vincent嘅護送之下，韻喬同天殷都離開咗攝影棚，直接上去李家大宅。

喺去到天殷間房之後，韻喬都將堆相，copy去自己個drive裏面，然後都同天殷一齊睇相「真係好滿意呀喬喬，而且當初都好在你有幫我睇下個影師係咪正常咋！」

韻喬都即刻點點頭話「舉手之勞啫，最緊要都係你滿意嘛，李家大小姐！」

「但係唔知點解，最後嘅私房相，到依家睇我都覺得有少少尷尬」韻喬紅都面哂咁講。

但天殷居然不懷好意咁笑「但係，你唔除我都唔知，喬喬你身材原來咁鬼好咖喎！平時喺校服下面收埋收埋都唔覺添！」

「喂啊！李天殷你蝦人嘅！都係因為你，搞到我地無啦啦喺陌生人面前咁性感」韻喬依然好怕醜咁講「係喎，份聖誕禮物你拆咗未呀？希望你鍾意啦！」





「拆哂啦，我都係比較鍾意喬喬你份禮物多啲，都唔知邊個走去送20舊擦膠畀我咁無聊！」天殷抱怨道「咁你呢喬喬？」

「我都好鍾意啦，但係你咁破費，搞到我都唔好意思呢！」韻喬回應道「不過呢，你開始做假期功課未呀？我地下個禮拜就要返學啦喎！」

「呃……邊得咁快呀，過多兩日先做都未遲啦，最重要就係有喬喬你呢個學霸參考吖嘛！」

「參你個頭呀參！邊個有話借畀你抄咖？！」韻喬非常不滿咁同天殷講「好心你就勤力少少啦，我地已經Form 4啦，高中啦，唔可以再靠咁多參考啦，知道未呀？快啲同我一齊溫書做功課！」

「下……唔好啦……」「冇得唔好呀！快啲拎英文出黎做呀！」

（雖然聖誕内容唔太多，但都希望你地好似天殷同韻喬咁，有一個幸福、開心同與別不同嘅節日，聖誕快樂！）

（特別篇2  女孩們的聖誕節 ~ 完）

IG link https://instagram.com/bear_big_big_writer