《愛在。貴族學園》: Ch 33 ~ 陸運會之二 Part 2

Ch 33 ~ 陸運會之二 Part 2（連載日期：2026/01/17）

之後俊軒想喺後面，抱住韻喬嘅時候，就畀韻喬下意識咁推開「喂啊衰人！呢度好多人咖，我地唔好咁樣攬住先啦。」

「至於信心呢，我就一般般啦，頭先個個都跳得好好。咁你呢小軒？一陣間跑千五有冇信心啊？」
 
「有我嘅女朋友喺背後無限量支持，我就梗係有啦，而且我地之前咁辛苦練習，都係為咗依家咋。我會加油咖啦，你會幫我打氣咖可喬喬？」俊軒嘅面皮一向都厚，所以講呢啲說話根本唔會面紅。

「我梗係會啦，你係我男朋友嚟咖嘛，當然要做好你背後女人要支持你嘅職責啦！如果唔係，你走咗去，咁我點算喎！加油啦，一陣放心跑啦！love you…」





之後俊軒就向竪起拇指，然後等賽道上嘅賽事完結之後，就行去1500米嘅報到處報到。
 
而喺俊軒離開之後，Kitty老師好快都公佈女子甲組跳遠入圍決賽嘅名單。當Kitty老師讀到自己個名嘅時候，韻喬就即刻流露出一個信心十足嘅表情，而且都好似了咗一件大事咁。

但韻喬心裏面都知道，真正嘅比拼，其實依家先至開始。
 
「決賽將會安排乙組初賽之後舉行，進入到決賽嘅十五名同學，希望你地都可以趁住呢段時間，好好準備決賽…」Kitty老師道

「至於入唔到決賽嘅同學，你地都唔使太過灰心，其實你地成績都唔係差，只不過欠缺少少運氣。」





「但最重要嘅，係要享受比賽嘅過程，同感受到看台上面啦啦隊為你地呐喊助威嘅打氣聲。希望你地一陣，都會為呢十五名入到決賽嘅同學加油打氣啦！」之後大家就離開跳遠嘅場地，讓出地方比乙組嘅同學參賽。
 
至於韻喬，就自己一個慢慢行返出場區，但就喺呢個時候，就見到天殷同禮謙，企喺欄杆外面，於是韻喬就開口問...

「咦你地兩個……專登喺度等我翻嚟咖？」
 
「哈哈喬喬，其實你就講啱咗一半啦！因為我地落嚟嘅原因，其實仲有軒仔啊！」天殷好興奮咁攬住韻喬。

而禮謙都跟住話「冇錯啦殷殷，軒大佬話要攞千五米金，當然唔可以錯過見證傳奇一刻嘅機會啦！不過，小喬呀，你頭先跳遠嘅成績如何？入唔入到決賽呀？」
 




「哈哈！我當然可以啦，我係張韻喬喎，使乜講！乜有嘢會難到我張韻喬咖咩？」韻喬以一臉勝利者姿態咁講「不過，新嚟個Ms Kitty冇講過大家成績嘅次序，所以我都唔知自己喺呢十五個人裏面排第幾咖……」
 
「原來係咁，但無論點都好啦，小喬你一陣都要幫小軒加油打氣啊，正如小軒都為咗你而加油一樣！唔信你就睇下出面！」禮謙喺呢個時候，就指向1500米賽跑嘅起點，於是韻喬同天殷都望向禮謙指住嘅方向。
 
「咦！原來軒仔嘅比賽預備開始啦喎！」天殷道。隨即槍聲一起，俊軒連同其他跑手就開始搶佔有利嘅線位。

不過一開始，俊軒先留喺主群裏面，並冇追求由頭帶到尾嘅跑法，靜待時機先再慢慢突圍「留返啖氣一陣再爆，其實都係strategy之一，等佢慢慢嚟啦。」禮謙道。
 
至於韻喬，雖然自己都好想為男朋友打氣，不過為咗唔想影響俊軒嘅情緒，於是韻喬選擇默默咁，睇住男朋友為佢嘅獎牌，同埋都為做到韻喬對自己嘅要求而戰。而之後嘅兩個圈，俊軒繼續留守喺主群裏面。
 
但其實重點都係後面...

（待續 ~）

IG link https://instagram.com/bear_big_big_writer 




Threads https://www.threads.net/@bear_big_big_writer