《愛在。貴族學園》: Ch 34 ~ 陸運會之三 Part 4

Ch 34 ~ 陸運會之三 Part 4（連載日期：2026/03/29）

氣槍一響，八位女將都即時爆衝，天殷都唔例外，跟上其他選手嘅節奏。

天殷都將自己嘅能力爆發出嚟，力求盡快帶頭同入到複賽。

而天殷嘅努力都冇白費，能夠以小組首名完成初賽。
 
至於韻喬就跑第六個heat，不過呢個heat只得七名選手，因為其中一個選手因為之前嘅賽事受傷而退出比賽。而韻喬同另外嘅六位選手都各自就位。





氣槍再度響起，韻喬反應都非常之快，一開始就已經帶頭。
 
喺場區欄杆外面觀戰嘅天殷同俊軒，見到韻喬咁樣爆法都睇到呆咗「點解喬喬可以咁勁咖？！帶頭喎！」天殷驚訝道。

「我估，小喬今次真係火力全開，就算100米仲有複賽先到決賽，都唔選擇去留力啵！」俊軒跟住講。
 
「唉，你就好啦林俊軒，有一個為你而努力嘅女朋友。我呢就冇咁嘅福分啦……」呢個時候，禮謙都落到嚟，同天殷、俊軒一齊睇韻喬比賽。但禮謙佢講完呢句嘅時候，韻喬已經跑咗一半。
 
「乜你依家好幸拍拖咩啊程禮謙同學？」天殷用一個寸寸地嘅口吻向禮謙抗議「睇埋小喬比賽先啦…….張韻喬加油啊！！！！」
 




唔知係咪因為聽到天殷嘅打氣聲，賽道上嘅韻喬越跑越起勁，喺最後嘅50米繼續抛離對手，結果喺冇太大壓力之下，成功以第一名衝過終點。
 
「小喬真係好勁！點啊，老友，唔通…….你咁快就有新獵物啦？」俊軒試圖向佢嘅好兄弟套話。

禮謙聽到之後的確有畀俊軒嚇到，不過禮謙今次非常口密不特止，就連面部表情都完全收起哂。
 
「軒少，我又唔係嗰啲咩所謂“狗公”，而且我啱啱先畀韻喬佢拒絕完，邊得嚟會咁快有新目標啊？不過，如果你問我係咪咁想拍拖，坦白講……我就真係有少少想嘅！」禮謙少有怕醜咁講。
 
「你講真呀謙謙？如果你……真係有嘅，咪試下多啲date下對方，然後啱feel嘅咪一齊囉…….咦喬喬行過緊嚟啦喎！」就當天殷講緊呢句嘅時候，啱啱贏咗場100米嘅韻喬，就行緊過嚟其他三個人度。
 




「恭喜哂啵喬喬！初賽都跑第一咁型！得唔得咖？」天殷笑容滿面咁對韻喬講。

「還好啦，而且你咪又係第一，不過我覺得個感覺可以再好少少…….啊唔該小軒！」韻喬之所以突然之間話唔該，就係因為俊軒已經ready定一支水等韻喬返嚟「我真係希望可以同你一齊跑啊，殷殷。」韻喬繼續講。
 
「我都想啊，但係好可惜啊，初賽冇緣分。我地要入複賽應該唔難，不過都仲要再分兩個heat，所以可能都要去到決賽，先可以碰頭掛…」天殷若有所思咁講。

「但係唔緊要啦，複賽唔可以一齊跑嘅話咪決賽再比過囉。喂我有少少肚餓呀，襯未有比賽不如一齊去食啲嘢囉？」
 
韻喬講完之後，四個人就跑去小食部買食物。雖然韻喬同天殷都係靚女一名，不過兩個人其實都好鍾意啲好唔健康嘅食物，咩魚蛋、燒賣、煎讓三寶之類更係至愛，愛到連兩個男仔都睇唔過眼。
 
「唉呀，好心你地兩個啦，食埋咁多垃圾食物，一陣你地仲跑唔跑得郁咖？」

俊軒呢句嘅結果，當然就係引來兩位女孩嘅不滿，由其是係韻喬，佢個拳頭已經有沙煲咁大...

「林俊軒！老娘我依家畀多次機會你講多次！」





（待續 ~）

IG link https://instagram.com/bear_big_big_writer 
Threads https://www.threads.net/@bear_big_big_writer