《愛在。貴族學園》: Ch 34 ~ 陸運會之三 Part 6

Ch 34 ~ 陸運會之三 Part 6（連載日期：2026/04/11）

「好榮幸可以同你決一高下啊，張韻喬同學！」講得出呢句嘅，唔使講都知道就係嘉惠。

不過同頭先唔同嘅係，嘉惠今次係自己一個落去，而文曦就冇跟住喺嘉惠身邊。

而語氣上，嘉惠都非常唔友善，根本同向韻喬下戰書冇分別。
 
「我都好榮幸可以同你同場比賽。正如我之前都講過，我絕對歡迎呢一種較量，所以我都好期待呢場比賽！希望你都出全力去跑！一陣召集嘅時候見！」韻喬都非常有禮貌回應，但眼神就充滿殺氣。
 




「呢個我就當然會，我唔單止會由你身上，搶返小軒番嚟，我仲會搶埋100米嘅金牌，然後送畀小軒。小軒，你話好唔好呀？」嘉惠再望向一邊嘅俊軒道

「呃阿黃同學，你都係喺準決賽跑得贏小喬同天殷先算啦！」
 
俊軒對於嘉惠嘅好意顯得非常冷淡，一方面自己身為韻喬嘅男朋友，點都要支持自己女朋友咖啦。

另一方面，俊軒當然都會對由細識到大嘅好朋友天殷充滿信心，所以對於嘉惠向韻喬下嘅戰書，俊軒只係用一下冷笑嚟回應。

而嘉惠喺冇得到俊軒嘅回答而大感冇癮之後，就自己走開咗。
 




「真的有一點點把我惡心了一下下（國），我都唔明點解係都要一直要咁樣喺度鬥落去，搞到大家都唔開心！」天殷大感不解咁講「而最大問題係，成件事都充滿住計算，目的就係要傷害小喬同埋小軒，呢個先係我最嬲嘅地方！真係恨不得一陣間複賽嗰陣佢會比人DQ！」
 
「咁又唔好咁壞心眼啦殷殷，反正小喬佢都已經接受咗嘉惠同學嘅挑戰，就由得佢地兩個人，用個人實力去證明自己，總好過用埋其他奇奇怪怪，甚至唔見得光嘅計算去蝦小喬啦！」禮謙及時阻止天殷呢種唔成熟嘅諗法。
 
「唔緊要啦，殷殷、禮謙，我都需要用呢場比賽去證明我自己嘅實力！殷殷啊，一陣你自己都要加油啊！」韻喬此時都捉起天殷嘅手，天殷都露出微笑回應。

之後四個人就慢慢喺走廊上面散步，然後又開始吹水，不過過多無耐女子甲組100米複賽就召集，韻喬同天殷就行開咗準備比賽。
 
「小軒，就趁住佢地兩個去比賽，不如我地去後樓梯度Men’s talk？」「好呀！」禮謙突然間同俊軒講。





俊軒諗都唔諗就爽快答應「做咩無啦啦去暗角men’s talk？想hehe呀？」俊軒希望禮謙表明來意。
 
「我得鬼閒同你hehe，你就唔好諗太多啦！我係想趁三個女仔都有比賽，就係想問你，你要點處理小嘉嘅訂婚禮嘅事啊！」俊軒畀禮謙呢個有少少爆嘅話題嚇到。

「喂，作死你啊程禮謙！呢度學校嚟架，而且呢件事，我屋企都仲未公開咖！」
 
「不過，我都仲喺度諗緊，可以點樣喺照顧兩家長輩面子，以及嘉惠、小喬嘅感受之間balance到。畢竟，現時最好嘅處理方法，就係嘉惠可以懸崖勒馬，唔好再沉船落我身上，然後兩家商務上嘅合作都可以maintain到就最好。」
 
「但問題係，依家連我都唔知到黃嘉惠呢個妖女，究竟仲會搞啲咩出離，去為難小喬同我，所以呢個先係最頭痛嘅問題，依家我感覺都仲係宜靜不宜動，唔好打草驚蛇先係最好嘅處理方法……」
 
「再加上，我同小喬本身就約定咗，呢兩個禮拜都要好好咁過，我都唔太想將嘉惠嘅事，畀太大壓力落去小喬身上。不過當晚點做，我暫時都係賣個關子先，因為我依家真係未知可以點做。」
 
「唉，唔好再講我呢壇麻煩野住先啦，而且我都有啲嘢想同你傾…」

（待續 ~）





IG link https://instagram.com/bear_big_big_writer 
Threads https://www.threads.net/@bear_big_big_writer